கிருஷ்ண ஜென்மாஷ்டமி ஊா்வலத்தில் பிரச்னை ஏற்படுத்த யாரும் துணிவதில்லை: அமித் ஷா

அகமதாபாத்: ஜம்மு-காஷ்மீரில் உள்ள ஸ்ரீநகரின் லால் சௌக் வழியாக கிருஷ்ண ஜென்மாஷ்டமி உா்வலம் செல்லும்போது, அதில் பிரச்னை ஏற்படுத்த தற்போது யாரும் துணியவதில்லை என மத்திய உள்துறை அமைச்சா் அமித் ஷா புதன்கிழமை தெரிவித்தாா்.

குஜராத் மாநிலம், காந்திநகரில் ரூ. 194 கோடி மதிப்பிலான பல்வேறு திட்டங்களைத் தொடங்கி வைத்து அடிக்கல் நாட்டிய அமித் ஷா, பின்னா் கலோல் நகரில் நடைபெற்ற கூட்டத்தில் கலந்துகொண்டு போசியதாவது:

ஜம்மு-காஷ்மீருக்கு சிறப்பு அந்தஸ்து வழங்கி முன்னாள் பிரதமா் ஜவஹா்லால் நேரு 370-ஆவது சட்டப் பிரிவை அமல்படுத்தினாா். ஆனால், கடந்த 2019-ஆம் ஆண்டில் அதை ரத்து செய்ததன் மூலம், இந்தியாவின் சுயமரியாதையை விட பெரியது எதுவும் இல்லை என்பதை உலகுக்கு பிரதமா் மோடி தெளிவுபடுத்தினாா்.

முன்பு ஸ்ரீநகரில் உள்ள லால் சௌக் பகுதியில் தேசிய கொடியை ஏற்ற ராணுவத்தின் பாதுகாப்பு தேவைப்பட்ட காலம் இருந்தது. ஆனால் இன்று, லால் சௌக் வழியாக கிருஷ்ண ஜென்மாஷ்டமி ஊா்வலம் நடைபெறுகிறது. ஊா்வலத்தில் பிரச்னை ஏற்படுத்தும் துணிவு தற்போது யாருக்கும் இல்லை.

நக்ஸல் தீவிரவாதம் மற்றும் பயங்கரவாதத்தை வேரோடு பிடுங்கி எறிந்தவா் பிரதமா் மோடி. அவரது ஆட்சியின் கீழ், சுமாா் 2.80 கோடி சுற்றுலாப் பயணிகள் தற்போது காஷ்மீருக்குச் சென்று பாதுகாப்பாக திரும்பியுள்ளனா்.

பொருளாதார வளா்ச்சி: உலகின் ஐந்தாவது பெரிய பொருளாதாரமாக இந்தியா தற்போது மாறியுள்ளது. 2027-ஆம் ஆண்டில் அது மூன்றாவது இடத்தை அடையும். மேலும், 2047-ஆம் ஆண்டுக்குள் உலகின் முதன்மை பொருளாதாரமாக இந்தியாவை மாற்ற நாங்கள் பணியாற்றி வருகிறோம்.

காங்கிரஸ் ஆட்சியின் போது, மத்திய அரசிடம் இருந்து ரூ .5,000 என்ற சிறிய மானியத்தைப் பெற கிராம பஞ்சாயத்து தலைவா்கள் போராடினா். ஆனால் இன்று, பாஜக ஆட்சியில், பஞ்சாயத்து தலைவா்களுக்கு எந்தவித சிரமமும் ஏற்படாமல், கோடிக்கணக்கான ரூபாய் மதிப்பிலான பணிகள் மேற்கொள்ளப்படுகின்றன என்றாா்.