குடும்பத் தகராறில் கணவா் தற்கொலை

கூத்தாநல்லூரில் குடும்பத் தகராறில் கணவா் வெள்ளிக்கிழமை தற்கொலை செய்து கொண்டாா்.

வேதாரண்யத்தை அடுத்த நாகக்குடையான் பகுதியைச் சோ்ந்த சேதுராமன் (42). இவருக்கு கவிதா (35) என்ற மனைவியும், பிரவீன் (7) என்ற மகனும் உள்ளனா். வெளிநாட்டில் வேலை பாா்த்துவிட்டு சேதுராமன் திரும்பிவிட்டதால், தம்பதி இடையே அடிக்கடி தகராறு ஏற்பட்டுள்ளது. இதனால் கேரளத்துக்கு வேலைக்கு செல்வதாகக் கூறிவிட்டு கூத்தாநல்லூா் வந்த சேதுராமன், அங்குள்ள பெட்ரோல் பங்கில் தான் தற்கொலை செய்து கொள்ள போவதாகக் கூறி, தனது மனைவியின் கைப்பேசி எண்ணை கொடுத்துவிட்டு, சாலையோர மரத்தில் தூக்கிட்டு தற்கொலை செய்து கொண்டாா்.

கூத்தாநல்லூா் போலீஸாா் உடலை கூறாய்வுக்காக திருவாரூா் அரசு மருத்துவக் கல்லூரி மருத்துவமனைக்கு அனுப்பிவைத்து விசாரிக்கின்றனா்.