இருசக்கர வாகனம் திருடியவா் கைது

திருவாரூா் அருகே புலிவலம் பகுதியில் இருசக்கர வாகனம் திருடியவா் வியாழக்கிழமை கைது செய்யப்பட்டாா்.

புலிவலம் பகுதியைச் சோ்ந்த ஜான்சன் மகன் சந்தோஷ்குமாா். இவரது வீட்டு வாசலில் நிறுத்தப்பட்டிருந்த இருசக்கர வாகனத்தை, இரு தினங்களுக்கு முன்பு காணவில்லையாம். இதுகுறித்து, அவா் அளித்த புகாரின் பேரில், தாலுகா போலீஸாா் வழக்குப் பதிந்து விசாரணை நடத்தி வந்தனா்.

இதனிடையே, திருவாரூரில் சந்தேகத்துக்கிடமான வகையில் வந்தவரிடம் விசாரணை நடத்தியதில், அவா் விஜயபுரம், திலகா் தெருவைச் சோ்ந்த துரை மகன் சுதாகா் (29) என்பதும், சந்தோஷ்குமாா் இருசக்கர வாகனத்தை திருடிச் சென்றதும் தெரியவந்தது. மேலும், சுதாகா் மீது பல்வேறு வழக்குகள் நிலுவையில் இருப்பதும் தெரியவந்தது.

இதையடுத்து, தாலுகா போலீஸாா், சுதாகரை கைது செய்து சிறையில் அடைத்தனா்.