குட் பேட் அக்லி திரைப்படத்தின் கால அளவு குறித்து தகவல் வெளியாகியுள்ளது.
இயக்குநர் ஆதிக் ரவிச்சந்திரன் நடிகர் அஜித் குமார் கூட்டணியில் உருவான குட் பேட் அக்லி திரைப்படம் பெரிய எதிர்பார்ப்புகளைப் பெற்றுள்ளது.
படத்தின் டீசர் மற்றும் ஓஜி சம்பவம், காட் பிளஸ் யூ ஆகிய பாடல்கள் என ஒவ்வொன்றும் ரசிகர்களைக் கவர்ந்துள்ளதால் ஏப். 10 ஆம் தேதி வெளியாகும் படத்திற்கு இப்போதே கொண்டாடட்டங்கள் ஆரம்பித்துவிட்டன.
நீண்ட காலம் கழித்து ரசிகர்களுக்கான படத்தில் அஜித் நடித்திருப்பதால் இப்படத்தை முதல்நாள் முதல் காட்சியே பார்க்க பலரும் விருப்பம் தெரிவித்து வருகின்றனர்.
உறுதியாக, முதல் நாளில் அதிகம் வசூலித்த தமிழ்ப்படம் என்கிற சாதனையைப் பெறும் என்றே தெரிகிறது.
இந்த நிலையில், இப்படத்தின் சென்சார் செய்யப்படாத கால அளவு 2.18 மணி நேரம்தானாம். சென்சார் செய்யப்பட்டால் 2.15 மணி நேரமாக மாறவே வாய்ப்பு அதிகம்.
அஜித் இறுதியாக நடித்த துணிவு (2. 26), விடாமுயற்சி (2.30) மணி நேரங்கள் கொண்ட படமாக இருந்தன. ஆனால், குட் பேட் அக்லி குறைவான கால அளவையே கொண்டிருப்பதால் ரசிகர்களுக்கு சின்ன ஏமாற்றம் ஏற்பட்டுள்ளது.
அதேநேரம், 3 மணி நேர படங்கள் சலிப்பை ஏற்படுத்தி விடுவதால் படக்குழு எடுத்த முடிவு சரியானது என விமர்சகர்கள் கருத்து தெரிவித்துள்ளனர்.
இதையும் படிக்க: வீர தீர சூரன் - இதுவரை வசூல் எவ்வளவு?
