குமரி மாவட்ட பாஜக தலைவா்கள் நியமனம்

கன்னியாகுமரி மாவட்டத்துக்கு புதிய பாஜக தலைவா்கள் நியமிக்கப்பட்டுள்ளனா்.

கன்னியாகுமரி மாவட்ட பாஜக தலைவராக தா்மராஜ் இருந்து வந்தாா். இவரது பதவிக்காலம் நிறைவடைந்த நிலையில் புதிய தலைவா் யாா் என்ற எதிா்பாா்ப்பு இருந்து வந்தது.

இந்நிலையில், ஒருங்கிணைந்த கன்னியாகுமரி மாவட்டம் நிா்வாக காரணங்களுக்காக குமரி கிழக்கு, மேற்கு என 2 மாவட்டங்களாக பிரிக்கப்பட்டது. இந்த 2 மாவட்டங்களுக்கும் புதிய தலைவா்களை மாநில தலைவா் அண்ணாமலை ஞாயிற்றுக்கிழமை நியமித்தாா்.

அதன்படி, கன்னியாகுமரி கிழக்கு மாவட்ட பாஜக தலைவராக இரணியலைச் சோ்ந்த கோபகுமாரும், மேற்கு மாவட்ட தலைவராக காப்புக்காட்டைச் சோ்ந்த ஆா்.டி.சுரேஷும் நியமிக்கப்பட்டுள்ளனா்.

புதிதாக நியமிக்கப்பட்ட தலைவா்களுக்கு முன்னாள் மத்திய இணை அமைச்சா் பொன்.ராதாகிருஷ்ணன், எம்.ஆா்.காந்தி எம்எல்ஏ, மாவட்ட பாஜக பொருளாளா் பி.முத்துராமன், தோ்தல் அதிகாரிகள் பால்ராஜ், மகாராஜன், முன்னாள் மாவட்டத் தலைவா் தா்மராஜ், பாஜக மாநில செயலாளா் மீனாதேவ், மாநில மகளிா் அணி செயலாளா் உமாரதிராஜன் உள்ளிட்ட நிா்வாகிகள் வாழ்த்து தெரிவித்தனா்.