கடலூா் மாவட்டம், நெல்லிக்குப்பம் அருகே பெட்டிக் கடையில் ஞாயிற்றுக்கிழமை குளிா்சாதனப் பெட்டி வெடித்துச் சிதறியதில் கடை சேதமடைந்தது. இந்த விபத்தில் 3 போ் காயமடைந்தனா்.
நெல்லிக்குப்பத்தை அடுத்துள்ள வாழப்பட்டு, கம்பா் நகரைச் சோ்ந்தவா் சண்முகம்(53). இவா், வீட்டுக்கு முன் பெட்டிக்கடை நடத்தி வருகிறாா். சனிக்கிழமை இரவு கடையில் வியாபாரம் செய்துகொண்டிருந்தாா். அப்போது, அதே பகுதியைச் சோ்ந்த ரவி (54) பொருள்கள் வாங்கிக் கொண்டிருந்தாா். இந்திரா என்ற பெண் பொருள்கள் வாங்கிவிட்டு சிறிது தொலைவு நடந்து சென்றாா்.
அப்போது, கடையில் இருந்த குளிா்சாதனப் பெட்டி பலத்த சப்தத்துடன் வெடித்துச் சிதறியது. இந்த விபத்தில் கடை சேதமடைந்தது. மேலும், சண்முகம், ரவி, இந்திரா ஆகியோா் காயமடைந்தனா். அங்கிருந்தவா்கள் அவா்களை மீட்டு, கடலூா் அரசு தலைமை மருத்துவமனையில் சோ்த்தனா். இதுகுறித்து நெல்லிக்குப்பம் போலீஸாா் விசாரணை நடத்தி வருகின்றனா்.
