கொடைக்கானலில் `குணா குகை' தெரியும்; இது என்ன `குக்கல் குகை' - மிஸ் செய்யக்கூடாத சூப்பர் ஸ்பாட்!

கொடைக்கானலில் பிரபலமாக இருக்கும் குணா குகை பற்றி தான் எல்லோரும் கேள்விப்பட்டிருப்போம், ஆனால் இங்கு கொடைக்கானலில் இருந்து 40 கி.மீ தூரத்தில் இருக்கும் குக்கல் குகைகள் பற்றி தெரிந்துக்கொள்ள போகிறோம். தென்னிந்தியாவில் உள்ள பழமையான செதுக்கப்பட்ட குகைகளில் இதும் ஒன்றாகும்.

மலை உச்சியின் காடுகளுக்குள் இந்த குக்கல் குகைகள் மறைந்துள்ளன. இது உயரமான இடத்தில் இருப்பதால் காடுகளுக்குள் மலையேற்றம் செய்ய விரும்புவர்களுக்கு சிறந்த இடமாக உள்ளது.

செங்குத்தான பாறைகள், புல்வெளிகள் வழியாக மலையின் உச்சிக்கு செல்லும் குறுகிய பயணம் மலையேறுபவர்களுக்கு ஒரு மறக்க முடியாத அனுபவத்தை கொடுக்கிறது.

பருவகாலங்களில் இந்த குகைகள் மூடுபனியுடன் ரம்மியமாக காட்சியளிக்கிறது. இந்த அழகிய காட்சி கொடைக்கானலில் தவிர்க்க முடியாத அனுபவமாக சுற்றுலா பயணிகளுக்கு இருக்கும். இந்த குகைகள் மலை உச்சியில் வாழ்ந்த பழங்குடியினரால் செதுக்கப்பட்டதாக நம்பப்படுகிறது.

இங்கு பல்வேறு வகையான பாறைகளால் செதுக்கப்பட்ட குகைகளை ஆராய்வது மட்டுமன்றி பழங்குடியினர் ஒருகாலத்தில் பயன்படுத்திய, இவ்விடத்திற்கு பயணித்து தனித்துவமான அனுபவத்தை பெறலாம்.

இப்போது மலையேறுபவர்கள் மற்றும் முகாமிடுதலில் ஈடுபடுபவர்களின் விருப்பமான இடமாக, குக்கல் குகைகள் மற்றும் அதைச் சுற்றியுள்ள காடுகள் மாறிவிட்டன என்றே கூறலாம்.

அன்றாட வாழ்க்கையின் சலசலப்பில் இருந்து விடுபட்டு இயற்கை அழகை உணர, அனுபவிக்க இது ஏற்ற இடமாகும். பல ரகசியங்களை மறைத்து வைத்திருக்கும் குக்கல் மலையில், வனத்துறையின் முன் அனுமதி பெற்று, நீங்கள் பழமையான காடுகளில் பாதுகாப்பாக உலா வரலாம்.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks