கோவில்பட்டியில் பைக் மோதி முதியவா் உயிரிழப்பு

கோவில்பட்டியில் செவ்வாய்க்கிழமை நடந்த சென்ற முதியவா் பைக் மோதி உயிரிழந்தாா்.

கோவில்பட்டி வீரவாஞ்சி நகா் 4ஆவது தெருவைச் சோ்ந்த மாடசாமி மகன் ராஜேந்திரன் (70). திருநெல்வேலி -மதுரை தேசிய நெடுஞ்சாலையில் நாலாட்டின்புதூரில் உள்ள கல்லூரி அருகே செவ்வாய்க்கிழமை நடந்து சென்ற அவா், சாலையைக் கடக்க முயன்றாராம்.

அப்போது, திருநெல்வேலியிலிருந்து மதுரை நோக்கிச் சென்ற பைக் அவா் மீது மோதியதாம். இதில், ராஜேந்திரன், பைக்கில் வந்த திருநெல்வேலி தச்சநல்லூா் புது அம்மன் கோயில் தெரு பாலசுந்தரம் மகன் கங்கேஷ் (19), தச்சநல்லூா் பாலபாக்யா நகா் பொன்னம்பலம் மகன் லோகேஷ் (20) ஆகிய 3 பேரும் காயமடைந்தனா்.

அவா்களை மேற்கு காவல் நிலைய போலீஸாா் மீட்டு கோவில்பட்டி அரசு மருத்துவமனைக்கு அனுப்பி வைத்தனா். அங்கு பரிசோதித்த மருத்துவா்கள், ராஜேந்திரன் ஏற்கெனவே இறந்துவிட்டதாகத் தெரிவித்தனா்.

கங்கேஷ் முதலுதவி சிகிச்சைக்குப் பின்னா், தீவிர சிகிச்சைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டாா். இதுகுறித்து போலீஸாா் வழக்குப் பதிந்து விசாரித்து வருகின்றனா்.