காஞ்சிபுரம் சங்கரா கல்லூரி கணினி அறிவியல் துறை சாா்பில் மாவட்ட அளவில் பள்ளிகளுக்கு இடையேயான திறனறிவுப் போட்டிகள் நடத்தப்பட்டு பரிசுகள் வழங்கப்பட்டன.
காஞ்சிபுரம் சங்கரா கலை மற்றும் அறிவியல் கல்லூரியின் கணினி அறிவியல் துறை சாா்பில் டெக் பிளாஸ்ட்-2025 என்ற பெயரில் மாவட்ட அளவில் பள்ளிகளுக்கு இடையேயான திறனறிவுப் போட்டிகள் நடைபெற்றன. 20-க்கும் மேற்பட்ட பள்ளிகளைச் சோ்ந்த 250-க்கும் மேற்பட்ட மாணவ, மாணவியா் கலந்து கொண்டனா். சிஸ்டம் பிளஸ் பிரைவேட் லிமிடெட் நிறுவனத்தின் மிடில் இன்டெக்ரேஷன் துறையின் தலைவா் ராமராஜன் கணினி அறிவியலின் வளா்ச்சி என்ற தலைப்பில் பேசினாா். தகவல் தொழில் நுட்பம்,பொது அறிவு உள்ளிட்ட தலைப்புகளில் திறனறிவுப் போட்டிகள் நடைபெற்றன.
ஒட்டு மொத்த பரிசினை வென்ற காஞ்சிபுரம் வேலம்மாள் போதி பள்ளி மாணவருக்கு கணினி அறிவியல் துறையின் கையேட்டினை கல்லூரி முதல்வா் கே.ஆா்.வெங்கடேசன் வழங்கினாா். இதனைத் தொடா்ந்து திறனறிவுப் போட்டிகளில் வெற்றி பெற்றவா்களுக்கு சிங்கப்பூரை சோ்ந்த கிராஸ் பிரைவேட் லிமிடெட் நிறுவனத்தின் உற்பத்தி பிரிவு மேலாளா் எம்.ஜெய்கணேஷ் கோப்பை மற்றும் நினைவுப்பரிசுகளை வழங்கினாா்.நிறைவாக கல்லூரியின் கணினி அறிவியல் துறையின் தலைவா் ஆா்.கிருஷ்ணமூா்த்தி நன்றி கூறினாா்.
