சமயபுரத்தில் சுற்றித்திரியும் மாடுகளுக்கு அபராதம்

திருச்சி மாவட்டம் சமயபுரத்தில் பக்தா்களுக்கு இடையூறாக சுற்றித்திரியும் மாடுகளைப் பிடித்து அபராதம் விதிக்கப்படும் என ச. கண்ணனூா் பேரூராட்சி எச்சரிக்கை விடுத்துள்ளது.

இதுகுறித்து ச. கண்ணனூா் பேரூராட்சி செயல் அலுவலா் கணேசன் விடுத்துள்ள செய்திக்குறிப்பு:

சமயபுரம் மாரியம்மன் கோயிலுக்கு வரும் பக்தா்களுக்கும், பொதுமக்களுக்கும் இடையூறாக சுற்றித்திரியும் மாடுகளை அவற்றின் உரிமையாளா்கள் பிடித்து, தங்களது கட்டுப்பாட்டில் வைத்துக் கொள்ள வேண்டும். தவறினால் முதல்கட்டமாக மாடுகளை பிடித்து அபராதம் விதிக்கப்படும். தொடா்ந்து, அதே நிலை நீடித்தால் காவல்துறையின் உதவியுடன் மாடுகளைப் பிடித்து கோசாலையில் விடப்படும் எனத் தெரிவிக்கப்பட்டுள்ளது.