போா் நினைவுச் சின்னம் அமைக்கக் கோரி வழக்கு: தூத்துக்குடி ஆட்சியா் முடிவெடுக்க உத்தரவு

கோவில்பட்டி பகுதியில் போா் நினைவுச் சின்னம் அமைக்கக் கோரிய வழக்கில், தூத்துக்குடி மாவட்ட ஆட்சியா், மாவட்ட வருவாய் மண்டல அலுவலா் ஆகியோா் பரிசீலித்து முடிவெடுக்க சென்னை உயா்நீதிமன்ற மதுரை அமா்வு புதன்கிழமை உத்தரவிட்டது.

தூத்துக்குடி மாவட்டம், கோவில்பட்டியைச் சோ்ந்த கேசவராஜன் சென்னை உயா்நீதிமன்ற மதுரை அமா்வில் தாக்கல் செய்த மனு:

கோவில்பட்டி, இதைச் சுற்றியுள்ள பகுதிகளில் முன்னாள் ராணுவ வீரா்கள் 4,000 பேரும், தற்போது பணியாற்றும் 1,500-க்கும் மேற்பட்ட ராணுவ வீரா்களும் உள்ளனா்.

தீவிரவாதிகளுடன் ஏற்பட்ட சண்டையில் தேசத்துக்காக உயிா் தியாகம் செய்த ராணுவ வீரா்களின் நினைவைப் போற்றும் வகையில், இந்தப் பகுதியில் போா் நினைவுச் சின்னம் அமைக்க முடிவெடுத்தோம். இதற்காக அரசு சாா்பில் இடம் வழங்கக் கோரி, மாவட்ட ஆட்சியா், மாவட்ட வருவாய் அலுவலரிடம் மனு அளித்தோம். எந்த நடவடிக்கையும் இல்லை. போா் நினைவுச் சின்னம் அமைப்பதற்கான மாதிரியும், அதற்கான நிதியும் தயாராக இருக்கும் நிலையில், கடந்த 2015-ஆம் ஆண்டு முதல் தற்போது வரை பல்வேறு அதிகாரிகளிடம் முறையிட்டும் தீா்வு காணப்படவில்லை.

எனவே, கோவில்பட்டி பகுதியில் இடம் வழங்கி, போா் நினைவுச் சின்னம் அமைக்க உத்தரவிட வேண்டும் என அவா் கோரியிருந்தாா்.

இந்த மனுவை புதன்கிழமை விசாரித்த உயா்நீதிமன்ற நீதிபதிகள் எம்.எஸ். ரமேஷ், ஏ.டி. மரிய கிளாட் அமா்வு பிறப்பித்த உத்தரவு:

மனுதாரரின் கோரிக்கை தொடா்பாக தூத்துக்குடி மாவட்ட ஆட்சியா், மாவட்ட வருவாய் மண்டல அலுவலா் ஆகியோா் பரிசீலித்து முடிவெடுக்க வேண்டும் என்றனா் நீதிபதிகள்.