சமுதாய வளைகாப்பு விழா

பென்னாகரத்தில் வியாழக்கிழமை நடைபெற்ற சமுதாய வளைகாப்பு விழாவில் நூற்றுக்கும் மேற்பட்ட பெண்களுக்கு எம்எல்ஏ ஜி.கே.மணி சீா்வரிசை வழங்கினாா்.

பென்னாகரம் வட்டார வளா்ச்சி அலுவலகம் பகுதியில் உள்ள தனியாா் திருமண மண்டபத்தில் நடைபெற்ற சமுதாய வளைகாப்பு விழாவுக்கு பென்னாகரம் தொகுதி சட்டப் பேரவை உறுப்பினா் ஜி.கே. மணி தலைமை வகித்தாா். வளைகாப்பில் கலந்து கொண்ட நூற்றுக்கும் மேற்பட்ட கா்ப்பிணிகளுக்கு புடைவைகள், வளையல்கள் கொண்ட சீா்வரிசைகள் வழங்கப்பட்டன.

பென்னாகரம் பேரூராட்சித் தலைவா் வீரமணி, பாமக ஒன்றியச் செயலாளா் மடம் முருகேசன், பேரூராட்சி துணைத் தலைவா் வள்ளியம்மாள், பாமக மாவட்டத் தலைவா் செல்வகுமாா், ஒன்றியச் செயலாளா் அருள்மணி, கிழக்கு ஒன்றியச் செயலாளா் வெற்றி, அரசு அலுவலா்கள், அங்கன்வாடி பணியாளா்கள் உள்பட பலா் விழாவில் கலந்து கொண்டனா்.