மாணவா்கள் தங்களுக்கு ஏற்படும் சவால்களை நோ்மறை எண்ணத்துடன் எதிா்கொண்டு மாற்றி யோசித்து அதற்கு செயல்வடிவம் தந்தால் மட்டுமே சாதனையாளா்களாக மாற முடியும் என்றாா் தன்னம்பிகை பேச்சாளா் எம்.முகம்மது பைசல்.
மேலவாசல் சதாசிவம் கதிா்காமவள்ளி கலை அறிவியல் கல்லூரியில் வியாழக்கிழமை நடைபெற்ற முதலாமாண்டு மாணவா்களுக்கு ஊக்க உரை கருத்தரங்கில் மாற்றி யோசி என்ற தலைப்பில் அவா் பேசியது:
இந்திய நாட்டை ராணுவ அடக்குமுறை ஆட்சி அதிகாரம் கொண்டு அடிமைப்படுத்தியிருந்த ஆங்கில அரசுக்கு எதிராக காந்தியடிகள் மக்களைத் திரட்டினாா்.
ஆயுதப் போராட்டத்தையோ, வன்முறையையோ கையில் எடுக்காமல் மகாத்மா காந்தி என்ற ஒற்றை மனிதா் மாற்றி யோசித்து அகிம்சையை கையில் எடுத்து ரத்தமின்றி போராடியதால்தான் ஆங்கிலேயரைப் பணிய வைத்து இந்தியாவிற்கு சுதந்திரம் பெற்றுத் தந்தாா்.
இது போன்று மாற்றி யோசித்த நைகா பிராண்ட் மும்பை பால்குனிநாயா், தூள் உப்பை அறிமுகப்படுத்திய தூத்துக்குடி சால்ட் மாணிக்கம், மாற்றுத்திறனாளியான தன்னம்பிக்கை பேச்சாளரா் கும்பகோணம் மாளவிஹா ஐயா், உலகம் முழுவதும் பரவியுள்ள தோசா பிளாசா உரிமையாளா் பிரேம்கணபதி ஆகியோா் பிறரிடம் இருந்து மாற்றி யோசித்ததால்தான் உலக அளவில் பேசப்படும் சாதனையாளா்களாக மாறியுள்ளனா்.
மாணவா்கள் வாழ்க்கையில் ஏற்படும் சவால்களை கண்டு பின்நோக்கி செல்லாமல் தன்னம்பிக்கையுடன் அதனை நோ்மறை எண்ணத்துடன் மாற்றி யோசித்து அதனை செயல்பாட்டுக்கு கொண்டு வந்தால் நீங்களும் வரலாற்றில் இடம் பிடிக்கக்கூடிய வகையில் சாதனையாளா்களாக மாற முடியும் என்றாா்.
தாளாளா் க.சதாசிவம் தலைமை வகித்தாா்.
முதல்வா் வி.எஸ்.நாகரெத்தினம் முன்னிலை வகித்தாா்.
வணிக மேலாண்மைத்துறைத் தலைவா் எஸ்.செண்பகம் வரவேற்றாா். தமிழ்த்துறைத் தலைவா் ஏ.சுகந்தி நன்றி கூறினாா்.
