சுங்குவாா்சத்திரம் சாம்சங் தொழிற்சாலையில் சிஐடியு தொழிற்சங்கம் பதிவு செய்யப்பட்டதை தொடா்ந்து, தொழிலாளா்கள் பட்டாசு வெடித்து, இனிப்பு வழங்கி கொண்டாடினா்.
இந்த தொழிற்சாலையில் சுமாா் 1,800 தொழிலாளா்கள் பணியாற்றி வருகின்றனா். கடந்த 2024-இல் தொழிற்சாலையில் பணியாற்றும் தொழிலாளா்கள் சிஐடியு தொழிற்சங்கத்தை தொடங்கினா். ஆனால் ஆலை நிா்வாகம் அதை அங்கீகரிக்கவில்லை. இதையடுத்து சுமாா் 500-க்கும் மேற்பட்ட தொழிலாளா்கள் தொழிற்சங்க அங்கீகாரம், ஊதிய உயா்வு உள்ளிட்ட கோரிக்கைகளை வலியுறுத்தி கடந்த ஆண்டு 35 நாள்களுக்கும் மேலாக தொடா் வேலை நிறுத்தம் செய்தனா்.
இதையடுத்து தொடா் வேலை நிறுத்தப் போராட்டத்தில் ஈடுபட்டு வந்த சாம்சங் தொழிலாளா்கள் மற்றும் சிஐடியு நிா்வாகிகளுடன் தமிழக அமைச்சா்கள் குழுவினா் நடத்திய பேச்சுவாா்த்தையில் உடன்பாடு ஏற்பட்டதை அடுத்து வேலை நிறுத்த போராட்டத்தை கைவிட்டனா். இந்த நிலையில், சாம்சங் இந்தியா தொழிலாளா்கள் சங்கத்தை தமிழக அரசு திங்கள்கிழமை பதிவு செய்ததை தொடா்ந்து, தொழிலாளா்கள் சிஐடியு மாநில தலைவா் செளந்திரராஜன், மாநில செயலாளா் முத்துகுமாருடன் இணைந்து பட்டாசு வெடித்தும் இனிப்பு வழங்கியும் கொண்டாடினா்.
