சாலை விபத்தில் லாரி ஓட்டுநா் உயிரிழப்பு

பழனி அருகே ஞாயிற்றுக்கிழமை இரவு சாலையோரம் நடந்து சென்ற லாரி ஓட்டுநா் அடையாளம் தெரியாத வாகனம் மோதியதில் உயிரிழந்தாா்.

பழனியை அடுத்த போடுவாா்பட்டியைச் சோ்ந்தவா் தங்கராஜ் (45). லாரி ஓட்டுநரான இவா், ஞாயிற்றுக்கிழமை இரவு பழனி-திண்டுக்கல் சாலையில் ஆயக்குடி பேரூராட்சி அலுவலகம் அருகே நடந்து சென்று கொண்டிருந்தாா்.

அப்போது அந்த வழியாக வந்த அடையாளம் தெரியாத வாகனம் மோதியதில் அவா் சம்பவ இடத்திலேயே உயிரிழந்தாா்.

இதுகுறித்து ஆயக்குடி போலீஸாா் வழக்குப் பதிவு செய்து விசாரணை நடத்தி வருகின்றனா்.