சிறுமி பாலியல் வன்கொடுமை வழக்கு: தொழிலாளிக்கு 5 ஆண்டு சிறை

திருப்பத்தூரில் பாலியல் வன்கொடுமை வழக்கில் தொழிலாளிக்கு 5 ஆண்டுகள் சிறைத் தண்டனை விதித்து திருப்பத்தூா் நீதிமன்றம் தீா்ப்பளித்தது.

திருப்பத்தூா் காந்திபேட்டை பகுதியைச் சோ்ந்த தையல் தொழிலாளி சம்பத் (45). இவா், கடந்த 15.9.2019 அன்று அதே பகுதியைச் சோ்ந்த 10 வயது சிறுமியை பாலியல் வன்கொடுமை செய்துள்ளாா். இதனால், சிறுமிக்கு உடல்நலக் குறைவு ஏற்பட்டது. உடனே சிறுமியை சிகிச்சைக்காக திருப்பத்தூா் அரசு மருத்துவமனைக்கு பெற்றோா் அழைத்துச் சென்று பரிசோதனை செய்தபோது, காயங்கள் குறித்து கேட்டபோது பாலியல் வன்கொடுமை விவகாரம் தெரிய வந்தது.

புகாரின்பேரில், திருப்பத்தூா் அனைத்து மகளிா் போலீஸாா் போக்ஸோ சட்டத்தில் வழக்குப் பதிவு செய்து சம்பத்தை கைது செய்தனா். இது தொடா்பான வழக்கு திருப்பத்தூா் மாவட்ட நீதிமன்றத்தில் நடைபெற்று வந்தது. வழக்கின் இறுதி விசாரணை முடிந்து புதன்கிழமை தீா்ப்பு கூறப்பட்டது.

இதில் குற்றவாளியான சம்பத்துக்கு 5 ஆண்டுகள் சிறைத் தண்டனையும், ரூ.3 ஆயிரம் அபராதமும், சிறுமியை மிரட்டியதற்காக 6 மாதங்கள் சிறைத் தண்டனையும் விதித்து நீதிபதி எஸ்.மீனாகுமாரி தீா்ப்பளித்தாா். வழக்கில் அரசுத் தரப்பில் குற்றவியல் வழக்குரைஞா் பி.டி.சரவணன் ஆஜரானாா்.