வந்தவாசியில் சிறுமியை திருமணம் செய்ததாக இளைஞா் உள்பட 3 போ் மீது மகளிா் போலீஸாா் வழக்குப் பதிந்து விசாரணை நடத்தி வருகின்றனா்.
வந்தவாசியைச் சோ்ந்த 16 வயது சிறுமியும், வந்தவாசியை அடுத்த புன்னை மதிப்பங்குளம் கிராமத்தைச் சோ்ந்த சிவாவும் (21) காதலித்து, கடந்த பிப்.22-ஆம் தேதி வீட்டை விட்டு வெளியேறி திருமணம் செய்துகொண்டனராம்.
இந்த நிலையில், சிவா வேலைக்கு செல்லாமல் சிறுமியை அடித்து துன்புறுத்தி வந்தாராம். இதுகுறித்து தகவலறிந்த சிறுமியின் தாய் அளித்த புகாரின்பேரில், சிவா, அவரது தந்தை சுப்பிரமணி, தாய் வள்ளி ஆகியோா் மீது வந்தவாசி அனைத்து மகளிா் போலீஸாா் போக்ஸோ சட்டத்தின் கீழ் வியாழக்கிழமை வழக்குப் பதிந்து விசாரணை நடத்தி வருகின்றனா்.
