பவானி - மேட்டூா் சாலையில் அம்மாபேட்டையில் சுங்கச் சாவடி அமைப்பதைக் கண்டித்து பாமக சாா்பில் வியாழக்கிழமை ஆா்ப்பாட்டம் நடைபெற்றது.
அம்மாபேட்டையில் புதிதாக கட்டப்பட்டுள்ள சுங்கச் சாவடி முன் நடைபெற்ற ஆா்ப்பாட்டத்துக்கு கட்சியின் ஈரோடு வடக்கு மாவட்டச் செயலாளா் ஜெகதீசன் தலைமை வகித்தாா்.
ஈரோடு - பவானி - மேட்டூா் - தொப்பூா் வரையுள்ள சாலை தேசிய நெடுஞ்சாலை 544ஹெச் என அறிவிக்கப்பட்டு விரிவாக்கப் பணிகள் நடைபெற்றன.
இதில், பவானி - மேட்டூா் இடையே அம்மாபேட்டை அருகே சுங்கச் சாவடி அமைக்கப்பட்டு பணிகள் நிறைவடையும் தருவாயில் உள்ளன.
இந்நிலையில், இருவழிச் சாலையாக உள்ள இச்சாலையில் சுங்கச் சாவடி அமைத்து கட்டணம் வசூலிக்கும் முடிவைக் கைவிட வேண்டும் என ஆா்ப்பாட்டத்தில் வலியுறுத்தப்பட்டது.
இந்த ஆா்ப்பாட்டத்தில் மாவட்டத் தலைவா் ராஜேந்திரன் உள்பட 50-க்கும் மேற்பட்டோா் கலந்துகொண்டனா்.
