சூப்பர் அறிவிப்பு... 7,783 அங்கன்வாடி பணியாளா், உதவியாளா் பணி: தமிழக அரசு அறிவிப்பு

தமிழகம் முழுவதும் காலியாக உள்ள 7,783 அங்கன்வாடி பணியாளா், உதவியாளா் காலிப்பணியிடங்கள் நேரடி நியமனம் மூலமாக நிரப்பப்படுவதற்கான அரசாணையை தமிழ்நாடு அரசு வெளியிட்டுள்ளது.

மொத்த காலியிடங்கள்: 7,783

பணி: அங்கன்வாடி பணியாளா்கள்

காலியிடங்கள்: 3886

தகுதி: அங்கன்வாடி மற்றும் சிறிய அளவிலான அங்கன்வாடி பணியாளர் வேலைக்கு 12 ஆம் வகுப்பு தேர்ச்சி பெற்றிருக்க வேண்டும்.

சம்பளம்: மாதந்தோறும் தலா ரூ.7,700 தொகுப்பூதியமாகவும், சிறிய அளவிலான அங்கன்வாடிகளில் பணியாற்ற 305 பணியாளா்களுக்கு ரூ.5,700 தொகுப்பூதியமாக வழங்கப்படும்.

வயதுவரம்பு: 25 வயது நிறைவடைந்தவராகவும், 35 வயதுக்கு மிகாமலும் இருக்க வேண்டும். இருப்பினும், கணவனை இழந்தவா்கள், கைவிடப்பட்டவா்கள், தாழ்த்தப்பட்டவா்கள் மற்றும் பழங்குடியினர் பிரிவைச் சேர்ந்தவர்களுக்கு 40 வயதுவரை தளர்வு வழங்கப்படும்.

ராணுவத்தில் வேலை வேண்டுமா? - உடனே இணையவழியில் விண்ணப்பிக்கவும்!

பணி: உதவியாளா்கள்

காலியிடங்கள்: 3592

தகுதி: பத்தாம் வகுப்பு தேர்ச்சி பெற்றிருக்க வேண்டும்.

சம்பளம்: மாதந்தோறும் ரூ.4,100 தொகுப்பூதியத்திலும் நேரடி நியமனம் மூலமாக நியமனம் செய்யப்படுவா். ஓராண்டு கழித்து சிறப்பு காலமுறை ஊதியம் அவா்களுக்கு வழங்கப்படும்.

வயதுவரம்பு: 20 வயதுக்கு குறையாமலும் 40 வயதுக்கு மிகாமலும் இருக்க வேண்டும். இருப்பினும், கணவனை இழந்தோா், கைவிடப்பட்டோா், தாழ்த்தப்பட்டோா் மற்றும் பழங்குடியினோருக்கான அதிகபட்ச வயது 45-க்குள் இருக்க வேண்டும். இருப்பினும், காலிப் பணியிடங்களை ஒவ்வொரு மாவட்டத்திலும் நிரப்புவதற்கான அதிகாரம் பெற்றவராக ஒருங்கிணைந்த குழந்தைகள் வளா்ச்சித் திட்டத்தின் மாவட்ட திட்ட அலுவலா் இருப்பாா்.

காலிப் பணியிடங்களை நிரப்புவதற்கான அறிவிப்பு செய்தித்தாள்களிலும், ஒருங்கிணைந்த குழந்தைகள் வளா்ச்சித் திட்ட https://icds.tn.gov.in/ அல்லது https://icds.tn.gov.in/icdstn இணையதளத்தில் வெளியிடப்படும்.