சென்னை - திருநெல்வேலி வந்தேபாரத் ரயிலை திருச்செந்தூா் வரை நீட்டிக்க கோரிக்கை

வந்தே பாரத் ரயிலை திருச்செந்தூா் வரை நீட்டிக்கவும், அதுவரை இணைப்பு பயணிகள் ரயில் இயக்க கோரி கையொப்ப இயக்கத்தை காயல்பட்டினம் மெகா அமைப்பினா் நடத்தி வருகின்றனா்.

திருநெல்வே­லி - சென்னை வழித்தடத்தில் தினமும் இரண்டு வந்தே பாரத் ரயில்கள் இயக்கப்படுகின்றன. சென்னையில் இருந்து காலை புறப்பட்டு மதியம் திருநெல்வே­லியை அடையும் ரயிலுக்கு திருச்செந்தூருக்கு இணைப்பு பயணிகள் ரயில் உள்ளது. அதுபோல திருநெல்வேலி­யில் இருந்து மதியம் சென்னை கிளம்பும் வந்தே பாரத் ரயிலுக்கும், திருச்செந்தூரில் இருந்து இணைப்பு பயணிகள் ரயில் உள்ளது.

இருப்பினும் திருநெல்வேலி­யில் இருந்து காலை 6.05-க்கு சென்னை கிளம்பும் வந்தே பாரத் ரயிலுக்கும், சென்னையில் இருந்து மதியம் கிளம்பி இரவு 10.30 மணிக்கு திருநெல்வேலி­ வந்துசேரும் ரயிலுக்கும், திருச்செந்தூருக்கு இணைப்பு ரயில்கள் இல்லை.

எனவே திருச்செந்தூா் -திருநெல்வேலி­ வழித்தடத்தில் உள்ள மக்களின் நலனைக் கருத்தில்கொண்டு, காலை 6.05 மணிக்கு திருநெல்வேலி­யில் இருந்து புறப்படும் வந்தே பாரத் ரயில் முன்கூட்டியே, அதாவது காலை 5 மணிக்கு திருச்செந்தூரில் இருந்து புறப்படவும், அதுபோல இரவு 10.30-க்கு திருநெல்வேலி­ வந்தடையும் வந்தே பாரத் ரயி­லினை திருச்செந்தூா் வரை நீட்டிக்கவும் கோரி மக்கள் உரிமை நிலைநாட்டல் மற்றும் வழிகாட்டு அமைப்பு (மெகா) சாா்பாக கையொப்ப இயக்கம் தொடங்கப்பட்டது.

இவ் வமைப்பினா் திருச்செந்தூா் - திருநெல்வேலி வழித்தடத்தைப் பயன்படுத்தும் ரயில் பயணிகளிடம் கையொப்பம் பெற்று வருகின்றனா்.