செயற்கைக்கோள் அலைக்கற்றை நிா்வாக ரீதியிலேயே ஒதுக்கீடு -மத்திய அரசு விளக்கம்

‘செயற்கைக்கோள் அலைக்கற்றை ஏலம் மூலம் அல்லாமல் நிா்வாக ரீதியாகவே ஒதுக்கப்படுகிறது’ என்று நாடாளுமன்றத்தில் மத்திய தகவல்தொடா்புத் துறை அமைச்சா் ஜோதிராதித்ய சிந்தியா வியாழக்கிழமை தெரிவித்தாா்.

இதுதொடா்பாக காங்கிரஸ் எம்.பி. ரண்தீப் சிங் சுா்ஜேவாலா எழுப்பிய கேள்விக்கு மாநிலங்களவையில் வியாழக்கிழமை அமா்வில் கேள்விநேரத்தின்போது அமைச்சா் பதிலளித்தாா்.

அவரது பதிலில், ‘இந்தக் கேள்விக்கான பதிலுக்கு கைப்பேசி மற்றும் செயற்கைக்கோள் தகவல்தொடா்புகளுக்கு இடையிலான தொழில்நுட்ப வேறுபாடுகளை முதலில் புரிந்துகொள்ள வேண்டும். கைப்பேசி தொழில்நுட்பம் வளிமண்டலத்தில் உள்ள குறைந்தமட்டத்திலான அதிா்வெண் அலைகளில் இயங்குகிறது. இதில் சிக்னல் குறுக்கீட்டைத் தடுக்க அலைக்கற்றை (ஸ்பெக்ட்ரம்) ஏலம் விடப்படுகிறது.

அதேநேரம், செயற்கைக்கோள் தகவல்தொடா்புகள் நிலையான ஆண்டெனாக்கள் மூலம் லேசா் போல நேரடியாக அனுப்பப்படும் உயா் அதிா்வெண் அலைகளையே பயன்படுத்துகின்றன. உலகம் முழுவதும் செயற்கைக்கோள் அலைக்கற்றை எந்த நாட்டிலும் ஏலம் விடப்படுவதில்லை.

அமெரிக்காவின் புவி வட்டப்பாதைச் சட்டம் செயற்கைக்கோள் அலைக்கற்றையை ஏலம் விடுவதைத் தடை செய்கிறது. பிரான்ஸ், ஜொ்மனி உள்ளிட்ட ஐரோப்பிய நாடுகளும் செயற்கைக்கோள் அலைக்கற்றையை நிா்வாக ரீதியாக ஒதுக்குகின்றன. அந்தவகையில், இந்தியா உலகளாவிய விதிமுறையை மட்டுமே பின்பற்றுகிறது.

சா்வதேச தொலைத்தொடா்பு ஒன்றியமே செயற்கைக்கோள் புவிவட்டப்பாதை மற்றும் அதிா்வெண் அலைகளை ஒதுக்குகிறது. நாடுகள் தங்கள் பிரதேசங்களுக்குள் மட்டுமே பயன்பாட்டைக் கட்டுப்படுத்துகின்றன. எங்கள் கட்டுப்பாட்டில் முழுமையாக இல்லாத ஒரு சொத்தை நம்மால் ஏலம் விட முடியாது. இது இந்தியாவுக்கு மட்டுமல்ல, அனைத்து உலக நாடுகளுக்கும் பொருந்தும்.

அரசு பரிந்துரைத்தன்படி, இந்தியாவில் அலைக்கற்றையின் விலையை இந்திய தொலைத்தொடா்பு ஒழுங்குமுறை ஆணையம் (டிராய்) தீா்மானிக்கும். டிராய் விலையை வரையறுத்தவுடன், அனைத்து தகவல்தொடா்பு நிறுவனங்களுக்கும் பாகுபாடு இல்லாமல் அலைக்கற்றை ஒதுக்கப்படுகிறது’ என்றாா் அமைச்சா்.