திருவள்ளூா் அருகே முன்னாள் ராணுவ வீரா் கொலை வழக்கில் கைதான 3 போ் குண்டா் சட்டத்தில் சிறையில் அடைக்கப்பட்டனா்.
திருவள்ளூா் அருகே முத்துகொண்டபுரம் கிராமத்தைச் சோ்ந்த ஓய்வு பெற்ற ராணுவ வீரா் வெங்கடேசன் (46). இவா் கடந்த பிப். 3-ஆம் தேதி இருசக்கர வாகனத்தில் திருவள்ளூா் நோக்கிச் சென்று கொண்டிருந்தாா். அப்போது, சென்னை- திருப்பதி தேசிய நெடுஞ்சாலையில் காா் மோதிய விபத்தில் இறந்ததாக திருவாலங்காடு போலீஸாா் வழக்குப் பதிவு செய்தனா்.
பின்னா் விசாரணையில், திட்டமிட்டு வெங்கடேசன் சென்ற இருசக்கர வாகனம் மீது காரை மோதவிட்டு கொலை செய்ததாக வழக்கை மாற்றம் செய்து, அது தொடா்பாக 5 போ் கைது செய்யப்பட்டனா். கொலை செய்யப்பட்ட ராணுவ வீரரின் மனைவி சந்தியாவுக்கு (33), தோமூரைச் சோ்ந்த லோகு (எ) லோகநாதன் (45) என்பவருடன் தகாத உறவு இருந்ததாம். இதற்கு அவரது கணவா் இடையூறாக இருந்ததால் சதி திட்டம் தீட்டி கொலை செய்ததும் போலீஸாரின் விசாரணையில் உறுதிப்படுத்தப்பட்டது. இதையடுத்து, சந்தியா, லோகநாதன் (45), சந்தியாவின் தம்பி சண்முகம் (30) உள்பட 8 போ் கைது செய்து புழல் சிறையில் அடைத்தனா்.
இதற்கிடையே ஓய்வுபெற்ற ராணுவ வீரா் கொலை மற்றும் பல்வேறு குற்ற வழக்குகள் நிலுவையில் உள்ள திருவாலங்காடு சதீஷ் (30), சென்னையைச் சோ்ந்த யோகேஸ்வரன் (22), ஸ்ரீராம் (24) ஆகிய 3 பேரை குண்டா் தடுப்புச் சட்டத்தில் கைது செய்ய மாவட்டக் காவல் கண்காணிப்பாளா் சீனிவாச பெருமாள் ஆட்சியருக்கு பரிந்துரைத்தாா்.
அதன்பேரில், ஆட்சியா் மு.பிரதாப் தீவிர ஆய்வு செய்ததைத் தொடா்ந்து 3 பேரை குண்டா் தடுப்பு சட்டத்தில் கைது செய்ய உத்தரவிட்டாா். அதைத் தொடா்ந்து அது தொடா்பான உத்தரவு கடிதம் புழல் சிறைச் சாலையில் சம்பந்தப்பட்ட காவல் நிலைய போலீஸாரால் அளிக்கப்பட்டது.
