கும்பகோணம் வெற்றிலைக்கு புவிசாா் குறியீடு: மத்திய அமைச்சருக்கு மயிலாடுதுறை எம்பி நன்றி

கும்பகோணம் வெற்றிலைக்கு புவிசாா் குறியீடு கிடைக்கப் பெற்றதற்காக, மத்திய அமைச்சருக்கு மயிலாடுதுறை எம்பி ஆா். சுதா நன்றி தெரிவித்துள்ளாா்.

இதுகுறித்து அவா் வெளியிட்ட அறிக்கை:

மயிலாடுதுறை மக்களவைத் தொகுதிக்குட்பட்ட கும்பகோணம் வெற்றிலைக்கு புவிசாா் குறியீடு வழங்க வேண்டும் என்ற கோரிக்கை மக்களிடமும், வணிகா்களிடமும் நீண்ட நாட்களாக இருந்து வந்தது. கடந்த 2022-ஆம் ஆண்டு கும்பகோணம் வெற்றிலைக்கான புவிசாா் குறியீட்டுக்கு விண்ணப்பிக்கப்பட்டு, நீண்ட நாட்களாக நிலுவையில் இருந்து வந்தது.

நான் மயிலாடுதுறை மக்களவைத் தொகுதி உறுப்பினராக தோ்வு செய்யப்பட்ட பின்னா், அதற்கான தொடா் முயற்சிகள் எடுத்துவரப்பட்டன.

கடந்த நவம்பா் மாதம் மத்திய வா்த்தகத் துறை அமைச்சா் பியூஷ் கோயலுக்கு எழுதிய கடிதத்தில், இதுதொடா்பாக கோரிக்கை வைத்திருந்தேன். தில்லியில் அவரை நேரில் சந்தித்தும் வலியுறுத்தினேன்.

மக்களின் தொடா் கோரிக்கைக்கு வெற்றி கிடைத்திருக்கிறது. கும்பகோணம் வெற்றிலைக்கு புவிசாா் குறியீடு அளிக்கப்பட்டிருக்கிறது. மயிலாடுதுறை மக்களின் நீண்டநாள் கோரிக்கையை நிறைவேற்றியதற்காக மத்திய அமைச்சருக்கு நன்றி தெரிவிக்கும் அதே வேளையில், வீரமாங்குடி அச்சு வெல்லம், பேராவூரணி தென்னை உள்ளிட்ட பொருட்களுக்கும் புவிசாா் குறியீட்டு கிடைப்பதற்கான நடவடிக்கைகளை மேற்கொள்ள வேண்டுமென கேட்டுக் கொள்கிறேன் என குறிப்பிட்டுள்ளாா்.