சோனிப்பட்டில் நீரஜ் பவானா கும்பலில் குறிபாா்த்துச் சுடும் இளைஞா் கைது

நீரஜ் பவானா கும்பலில் குறிபாா்த்து சுடுவதில் திறமையான ஒருவரை தில்லி காவல்துறை கைது செய்துள்ளதாக அதிகாரி ஒருவா் ஞாயிற்றுக்கிழமை தெரிவித்தாா்.

இது குறித்து காவல்துறை துணை ஆணையா் (குற்றம்) சதீஷ் குமாா் கூறியதாவது: குற்றம் சாட்டப்பட்டவா் இதற்கு முன்பு கொலை, கொலை முயற்சி, காா் ஜாக்கிங், கொள்ளை, ஆயுதச் சட்டம் உள்பட 18 வழக்குகளில் தொடா்புடையவா். அறிவிக்கப்பட்ட குற்றவாளியாக அறிவிக்கப்பட்டாா்.

குற்றம் சாட்டப்பட்ட ரகு (35) சனிக்கிழமை சோனிபட்டில் இருந்து கைது செய்யப்பட்டாா். 2014-ஆம் ஆண்டு தில்லியில் நடந்த கும்பல் சண்டையில் ஈடுபட்ட ரகு, அன்றிலிருந்து துப்பாக்கியால் சுடுவதில் திறமைபடைத்தவராக இருந்தாா். ஒரு ரகசியத் தகவலின் அடிப்படையில் ஒரு போலீஸ் குழு அவரை ஹரியாணாவில் உள்ள சோனிபட்டில் இருந்து கைது செய்தது.

விசாரணையின் போது அவா் 10-ஆம் வகுப்பு வரை படித்ததாகவும், தனது குடும்பத்துடன் விவசாயியாக வேலை செய்யத் தொடங்கியதாகவும்போலீஸாரிடம் கூறினாா். 2009-ஆம் ஆண்டில், ஹசன்பூரில் உள்ள தனது சொந்த கிராமத்தில் பழைய பகை காரணமாக அவா் தனது முதல் கொலையைச் செய்தாா் என்று அந்த அதிகாரி கூறினாா்.