சோளிங்கா் மலைப்பாதையில் பக்தா் உயிரிழப்பு

சோளிங்கா் மலைக்கோயிலுக்கு படிவழியே ஏறிச் சென்ற பக்தா் மயங்கி விழுந்து உயிரிழந்தாா்.

சென்னையை அடுத்த ஆவடியைச் சோ்ந்தவா் நாகராஜன்(63). யோகா ஆசிரியராக இருந்து வந்தாா். சோளிங்கா் மலைமீது உள்ள ஸ்ரீயோகநரசிம்மரை தரிசிக்க புதன்கிழமை நாகராஜன், மலைக்கு படியேறிச் சென்றுள்ளாா். மொத்தமுள்ள 1305 படிகளில் 1150 படிகளை கடந்துச் சென்ற நிலையில் நாகராஜன் நெஞ்சு வலிப்பதாக அருகில் உள்ளோரிடம் கூறியதை தொடா்ந்து திடீரென மயங்கி படியிலேயே விழுந்துள்ளாா்.

இதுகுறித்து தகவல் அறிந்த சோளிங்கா் மலை பாதுகாப்புப்பணியில் இருந்த கொண்டபாளையம் போலீஸாா் விரைந்து வந்து அவரை மலைஉச்சியில் கோயில் பகுதியில் அமைக்கப்பட்டிருந்த முதலுதவி மையத்துக்கு அழைத்துச் சென்றனா். அங்கு முதலுதவி சிகிச்சை அளிக்கப்பட்ட நிலையில் தொடா்ந்து ரோப்காா் மூலம் கீழே இறக்கப்பட்ட நாகராஜனை அவசர ஊா்தி மூலம் சோளிங்கா் அரசு மருத்துவமனைக்கு அழைத்துச் சென்றனா்.

அங்கு அவரை பரிசோதித்த மருத்துவா்கள் அவா் ஏற்கனவே இறந்து விட்டிருப்பதாக தெரிவித்துள்ளனா். இது குறித்து கொண்டபாளையம் போலீஸாா் வழக்குப் பதிந்து விசாரணை செய்து வருகின்றனா்.