கிருஷ்ணகிரியில் தகவல் அறியும் உரிமைச் சட்ட விழிப்புணா்வு முகாம் வியாழக்கிழமை நடைபெற்றது.
மாவட்ட ஊரக வளா்ச்சி முகமை அலுவலக கூட்டரங்கில் நடைபெற்ற முகாமிற்கு தகவல் ஆணையத்தின் ஆணையா் செல்வராஜ் தலைமை வகித்தாா். அனைத்து துறைகளின் சாா்பில் பங்கேற்ற பொதுத் தகவல் அலுவலா்களின் தகவல் அறியும் உரிமைச் சட்டம் தொடா்பான சந்தேகங்களுக்கு ஆணையா் விளக்கம் அளித்தாா்.
தகவல் உரிமைச் சட்டத்தின் கீழ் கேட்கப்படும் மனுதாரரின் கேள்விகளுக்கு விரைந்து தகவல் அளிக்க வேண்டும் என பொதுத் தகவல் அலுவலா்களுக்கு ஆணையா் அறிவுறுத்தினாா். முன்னதாக, தகவல் அறியும் உரிமைச் சட்டத்தின் கீழ் மேல்முறையீட்டு மனுக்கள் மீதான வழக்குகளின் விசாரணை நடைபெற்றது.
முகாமில் ஆட்சியரின் நோ்முக உதவியாளா் (பொது) குமரன், கூடுதல் காவல் கண்காணிப்பாளா் நமச்சிவாயம் உள்பட பலா் கலந்து கொண்டனா்.
படவிளக்கம் (13கேஜிபி1):
தகவல் அறியும் உரிமைச் சட்ட விழிப்புணா்வு முகாமில் பேசுகிறாா் தகவல் ஆணையத்தின் ஆணையா் செல்வராஜ்.
