தங்கம் விலை: `பவுனுக்கு ரூ.1,280 குறைந்த தங்கம் விலை'; தங்கம் விலையில் ஏற்பட்ட முரண்!

இன்று தங்கம் விலை கிராமுக்கு ரூ.160-ம், பவுனுக்கு ரூ.1,280-ம் குறைந்துள்ளது. வெள்ளி விலை கிராமுக்கு ரூ.4 குறைந்துள்ளது.

இன்றைய ஒரு கிராம் தங்கத்தின் விலை (22K) ரூ.8,400 ஆகும்.

இன்றைய ஒரு பவுன் தங்கத்தின் விலை (22K) ரூ.67,200 ஆகும்.

இன்றைய ஒரு கிராம் வெள்ளி விலை ரூ.108 ஆகும்.

தங்கம் விலையில் முரண்!

அமெரிக்க அதிபர் ட்ரம்ப்பின் பரஸ்பர வரி அறிவிப்பிற்கு பிறகு, தங்கம் விலை உயரும்; பங்குச்சந்தை இறங்கும் என்று பரவலாக எதிர்பார்க்கப்பட்டது. ஆனால், முரணாக, தங்கம் விலை இன்று பவுனுக்கு ரூ.1,280 குறைந்துள்ளது. பங்குச்சந்தை நேற்றைய முடிவில் ஏறுமுகத்தில் தான் முடிந்தது.

ஆனால், இதை நினைத்து பெரிதும் உற்சாகம் கொள்ள வேண்டாம். காரணம், வரியின் தாக்கம் கொஞ்சம் கொஞ்சமாக தான் தெரிய வரும் மற்றும் தங்கம் விலை இப்படியே குறையும் என்கிற வாய்ப்பு மிக மிக குறைவு என்று பொருளாதார நிபுணர்கள் கூறுகின்றனர்.