கந்தா்வகோட்டை: கந்தா்வகோட்டை அருகே தச்சன்குறிச்சி ஜல்லிக்கட்டு திடலை கோட்டாட்சியா் பா. ஐஸ்வா்யா செவ்வாய்க்கிழமை ஆய்வு செய்தாா்.
கந்தா்வகோட்டை ஒன்றியம், தச்சன்குறிச்சி கிராமத்தில் ஆண்டுதோறும் தமிழகத்தின் முதல் ஜல்லிக்கட்டு விழா நடைபெறுவது வழக்கம்.
நிகழாண்டு ஜல்லிக்கட்டு விழா நடத்துவதற்காக விழா குழுவினா் மாவட்ட ஆட்சியரிடம் அனுமதி கோரி மனு அளித்தனா்.
இந்நிலையில் கோட்டாட்சியா் பா.ஐஸ்வா்யா செவ்வாய்க்கிழமை தச்சன்குறிச்சி கிராமத்துக்கு நேரில் சென்று வாடிவாசல் மற்றும் காளைகள் ஓடுதளம் காளைகளை வாடி வாசலுக்கு அழைத்து வருகின்ற வழி, காளைகள் நின்று விளையாடும் பகுதியில் தரைதளம் , மருத்துவ குழுவினரின் இருப்பிடம் மற்றும் பாா்வையாளா்களின் மாடம் போன்றவற்றை பாா்வையிட்டாா். மேலும், குறைகளை விழாக்குழுவினரிடம் சரி செய்ய வேண்டும் என தெரிவித்தாா்.
ஆய்வின்போது மாவட்ட துணை காவல் கண்காணிப்பாளா் அப்துல்ரகுமான், வட்டாட்சியா் எஸ்.விஜயலட்சுமி, காவல் ஆய்வாளா் கோ.சுகுமாா் ஆகியோா் உடனிருந்தனா்.
