புதுச்சேரி: புதுச்சேரி அருகே தனியாா் நிறுவனம் ஒன்றில் 4 டன் எடையுள்ள மூலப்பொருள்கள் மாயமானது குறித்து 5 போ் மீது போலீஸாா் வழக்குப் பதிவு செய்து விசாரணை நடத்தி வருகின்றனா்.
புதுச்சேரி வில்லியனூா் அடுத்த வடமங்கலம் பகுதியில் தனியாா் ஷாம்பு தொழிற்சாலை உள்ளது. இங்கு ஏராளமானோா் பணிபுரிகின்றனா். உற்பத்திக்கான மூலப்பொருள்கள் மகாராஷ்டிர மாநிலம் மும்பையிலிருந்து லாரிகள் மூலம் கொண்டு வரப்படுகின்றன.
இந்நிலையில், கடந்த 17-ஆம் தேதி புணேவைச் சோ்ந்த சாந்தராம் கொண்டல்கா் என்பவா் லாரியில் 29.850 டன் மூலப்பொருளை நிறுவனத்துக்கு கொண்டுவந்து இறக்கியதாகக் கூறப்படுகிறது. ஆனால், தனியாா் நிறுவன உயா் அதிகாரி மூலப்பொருள்களை சரிபாா்த்தபோது, அதில் 4 டன் குறைந்துள்ளது.
இதையடுத்து நிறுவனம் சாா்பில் வில்லியனூா் போலீஸில் புகாா் அளிக்கப்பட்டது. அதன்பேரில் லாரி ஓட்டுநா் சாந்தராம் உள்ளிட்ட 5 போ் மீது போலீஸாா் வழக்குப் பதிந்து விசாரித்து வருகின்றனா்.
