வாணியம்பாடி அருகே கடன் தவணையை உடனடியாக செலுத்தக் கோரி தனியாா் வங்கி ஊழியா்கள் மிரட்டியதால் பெண் தூக்கிட்டுத் தற்கொலை செய்து கொண்டாா்.
திருப்பத்தூா் மாவட்டம், வாணியம்பாடி அடுத்த உதயேந்திரத்தைச் சோ்ந்தவா் அருணா. இவா், தனியாா் நிதி நிதி நிறுவனத்தில் ரூ. 30,000 கடன் பெற்று தவணை செலுத்தி வந்த நிலையில், கடைசியாக 3 தவணை பாக்கி செலுத்த முடியாமல் இருந்தாராம். இந்த நிலையில், கடனை வட்டியுடன் உடனடியாக திருப்பிச் செலுத்தக் கோரி தனியாா் நிதி நிறுவன ஊழியா்கள் அருணாவின் வீட்டுக்கு வந்து வியாழக்கிழமை மிரட்டியதாகக் கூறப்படுகிறது. இதனால் மனமுடைந்த அருணா வீட்டின் உள்புறம் தாழிட்டு, தூக்கிட்டுத் தற்கொலை செய்து கொண்டுள்ளாா்.
தகவலறிந்து வந்த வாணியம்பாடி கிராமிய போலீஸாா், அருணாவின் சடலத்தை மீட்டு, வாணியம்பாடி அரசு மருத்துவமனைக்கு அனுப்பி வைத்தனா். இது குறித்து வழக்குப் பதிந்து மேலும் விசாரணை மேற்கொண்டு வருகின்றனா்.
[தற்கொலை எண்ணங்களிலிருந்து விடுபடுவதற்கான ஆலோசனைகள் பெற தமிழக அரசு நல்வாழ்வுத் துறை ஹெல்ப்லைன் – 104 மற்றும் சினேகா தற்கொலைத் தடுப்பு ஹெல்ப்லைன் – 044-24640050].
