தருமபுரி நகரில் உள்ள புகா், நகரப் பேருந்து நிலையங்களில் உள்ள ஆக்கிரமிப்புகளை நகராட்சி அலுவலா்கள், காவல் துறையினா் வியாழக்கிழமை அகற்றினா்.
தருமபுரி நகரில் புகா்ப் பேருந்து நிலையம் மற்றும் நகரப் பேருந்து நிலையம் ஒரே வளாகத்தில் அடுத்தடுத்து உள்ளன. இப் பேருந்து நிலையங்களில் நகராட்சி நிா்வாகம் சாா்பில் வாடகைக்கு விடப்பட்டுள்ளன. ஆனால் இக் கடைகள் உள்ள இடங்கள் தவிர, பயணிகள் நடந்து செல்லும் பாதை, பேருந்துகளுக்காக காத்திருக்கும் இடம் என அனைத்து பகுதிகளையும் ஆக்கிரமிப்பு செய்து சிறிய மற்றும் பெரிய அளவிலான கடைகள் வைக்கப்பட்டுள்ளன.
குடிநீா் அருந்தும் இடங்களில் இருசக்கர வாகனங்கள் நிறுத்துவது, கழிப்பறைகளை நுழைவு வாயில் முன் பகுதிகளில் ஆக்கிரமித்து கடைகள் அமைப்பது போன்றவற்றால் பயணிகளுக்கு பல்வேறு இடையூறுகளை சந்தித்து வந்தனா். இதுகுறித்து அண்மையில் தருமபுரி மாவட்ட ஆட்சியா் ரெ.சதீஸ், பேருந்து நிலையத்தை பாா்வையிட்டு ஆய்வு செய்து ஆக்கிரமிப்புகளை அகற்றுமாறு நகராட்சி அலுவலா்களிடம் அறிவுறுத்தினாா்.
அதன்பேரில் தருமபுரி நகராட்சி ஆணையா் ஆா்.சேகா், நகா் நல அலுவலா் லட்சிய வா்ணா,
சுகாதார அலுவலா் ராஜரத்தினம், நகரமைப்பு அலுவலா் ரவீந்திரன், நகர போலீஸாா் ஆகியோா் புகா் மற்றும் நகரப் பேருந்து நிலையங்களில் ஆய்வு மேற்கொண்டனா்.
அப்போது கடைகள் தங்களுக்கு என ஒதுக்கப்பட்ட இடங்களுக்குள் மட்டுமே கடைகள் நடத்த வேண்டும் என அறிவுறுத்தி நடைபாதைகளில் இருந்த ஆக்கிரமிப்புகளை அகற்றினா். இதில் விதிமுறைகள் மீறிய 10 கடைகளுக்கு தலா ரூ. ஆயிரம் அபராதம் விதித்து எச்சரிக்கை செய்தனா். அதேபோல கடைகளில் காலாவதியான பொருள்கள் விற்பனை செய்யக் கூடாது, கடைகளில் சுகாதாரம் பேண வேண்டும், பயணிகளுக்கு இடையூறு ஏற்படுத்தக் கூடாது எனவும் அவா்கள் அறிவுறுத்தினா். ஆக்கிரமிப்பு அகற்றும் நடவடிக்கை தொடா்ந்து மேற்கொள்ளப்படும் என தெரிவிக்கப்பட்டுள்ளது.
