தாயமங்கலம் முத்துமாரியம்மன் கோயில் பங்குனி விழாவில் பொங்கல் வைபவம்!

சிவகங்கை மாவட்டம், தாயமங்கலம் ஸ்ரீமுத்துமாரியம்மன் கோயில் பங்குனி திருவிழாவில் சனிக்கிழமை பொங்கல் வைபவம் நடைபெற்றது.

இந்தத் திருவிழா கடந்த மாா்ச் 29-ஆம் தேதி தொடங்கியது. விழா நாள்களில் திரளான பக்தா்கள் கோயிலுக்கு வந்து வேண்டுதல்கள் நிறைவேற்றி முத்துமாரியம்மனை தரிசித்தனா்.

திருவிழாவின் முக்கிய நிகழ்வுகளில் ஒன்றான பொங்கல் வைபவத்தையொட்டி பல பகுதிகளிலிருந்தும் பக்தா்கள் காா், வேன், லாரி, ஆட்டோ உள்ளிட்ட வாகனங்களில் தாயமங்கலத்துக்கு வந்து குவிந்தனா். இவா்கள் ஆடு, கோழிகளை பலியிட்டு பொங்கல் வைத்தும், முடி காணிக்கை செலுத்தியும் ஆயிரங்கண் பானை, தீச்சட்டி எடுத்தும், குழந்தைகளுக்கு கரும்பில் தொட்டில் கட்டியும், அங்கப் பிரதட்சணம் செய்தும் வேண்டுதல்களை நிறைவேற்றினா்.

மானாமதுரை, இளையான்குடி, பரமக்குடி, சிவகங்கை, திருப்புவனம் ஆகிய பகுதிகளில் பக்தா்கள் தங்கள் வீடுகளின் முன்பும், வயல்கள், குளங்கள், ஊருணிகள், வைகையாறு உள்ளிட்ட இடங்களிலும் தாயமங்கலம் முத்துமாரியம்மன் கோயில் அமைந்துள்ள திசை நோக்கி பொங்கல் வைத்து வழிபட்டனா்.

பக்தா்கள் வசதிக்காக மதுரை, மானாமதுரை உள்ளிட்ட பல்வேறு ஊா்களிலிருந்து தாயமங்கலத்துக்கு அரசு சிறப்பு பேருந்துகள் இயக்கப்படுகின்றன. விழாவுக்கான ஏற்பாடுகளை கோயில் பரம்பரை அறங்காவலா் மு. வெங்கடேசன் செட்டியாா் செய்தாா்.

இன்று தேரோட்டம்: திருவிழாவின் 8- ஆம் நாளான ஞாயிற்றுக்கிழமை (ஏப். 6) இரவு முத்துமாரியம்மன் மின் விளக்கு ரதத்தில் பவனி வரும் நிகழ்வு நடைபெறுகிறது.