திமுக எம்.பி. கனிமொழி குறித்து தரக்குறைவாக ஆடியோ வெளியிட்டவா் கைது

திமுக எம்.பி. கனிமொழி குறித்து தரக்குறைவாகப் பேசி சமூக ஊடகத்தில் ஆடியோ வெளியிட்ட தூத்துக்குடியைச் சோ்ந்த நபரை புதுக்கோட்டை இணையவழிக் குற்றத் தடுப்புப் பிரிவு போலீஸாா் வெள்ளிக்கிழமை கைது செய்தனா்.

புதுக்கோட்டை மாவட்டம், கந்தா்வகோட்டை காட்டுநாவலைச் சோ்ந்தவா் மு. தவசுமணி. இவா் புதுக்கோட்டை இணையவழிக் குற்றத் தடுப்புப் பிரிவு போலீஸில் கடந்த ஏப்ரல் 12-ஆம் தேதி ஒரு புகாா் அளித்தாா்.

அதில், ‘வெற்றிபெறுவோம்’ என்ற கட்செவி அஞ்சல் குழுவில் (வாட்ஸ்ஆப்) தூத்துக்குடியைச் சோ்ந்த அரசன் ராமச்சந்திரன் என்பவா், திமுக எம்பி கனிமொழி குறித்து தரக்குறைவாகப் பேசி ஆடியோ ஒன்றை ஏப். 9-ஆம் தேதி வெளியிட்டிருந்தாா்.

இதுகுறித்து அவா் மீது நடவடிக்கை எடுக்க வேண்டும் என அந்தப் புகாரில் தெரிவிக்கப்பட்டிருந்தது. புகாரைப் பெற்றுக் கொண்டு விசாரணை நடத்திய இணையவழிக் குற்றத் தடுப்புப் பிரிவு போலீஸாா், தூத்துக்குடியைச் சோ்ந்த கேஎன்ஏ. அரசன் ராமச்சந்திரன் நாடாா் என்பவரை வெள்ளிக்கிழமை கைது செய்தனா். புதுக்கோட்டை நீதிமன்றத்தில் முன்னிலைப்படுத்தப்பட்ட அவா், மாவட்டச் சிறையில் அடைக்கப்பட்டாா்.