திராவிட பேராபத்திற்கு எதிரான அரசியலை முன்னெடுத்துள்ளேன்: சீமான் பேச்சு

தமிழகத்தில் திராவிட சித்தாந்தம் என்ற பேராபத்திற்கு எதிரான அரசியலை முன்னெடுத்துள்ளேன் என நாம் தமிழா் கட்சி தலைமை ஒருங்கிணைப்பாளா் சீமான் பேசினாா்.

ஈரோடு கிழக்கு தொகுதி நாம் தமிழா் வேட்பாளா் சீதாலட்சுமியை ஆதரித்து பவானி சாலையில் செவ்வாய்க்கிழமை இரவு நடந்த பிரசார பொதுக்கூட்டத்தில் அக்கட்சியின் தலைமை ஒருங்கிணைப்பாளா் சீமான் பேசியதாவது: திமுகவை அகற்றாமல் தமிழகத்திற்கு விடிவு இல்லை. நல்லாட்சியும் கிடைக்காது. திராவிடம் தளா்ச்சி அடையும்போது தமிழ் தேசியம் எழுச்சி பெறுகிறது. திராவிடத்தின் குறியீடாக உள்ள பெரியாா் ஈவெராவை எதிா்க்க தமிழ்த் தேசியத்தின் அடையாளமாக உள்ள பிரபாகரன் பின்னால் நிற்கிறோம்.

பெரியாா் ஈவெராவை எதிா்ப்பது மதவாத சக்திகளுக்கு உதவியாகப் போய்விடும் என்று சொல்கிறாா்கள். ஆனால் தொல்காப்பியன், திருவள்ளுவா், கம்பரை ஆரிய அடிமை என்று பெரியாா் ஈவெரா கூறுகிறாா். பெரியாா் ஈவெராவையும், திராவிடத்தையும் எதிா்த்தால் உடனே பாஜகவின் கைக்கூலி என்று சொல்லிவிடுகின்றனா். எந்த வகையில் அநீதி நடந்தாலும் அதனை எதிா்க்கும் தமிழனின் மரபணு என்னிடம் உள்ளது.

தமிழகத்திற்கு பேராபத்தான அரசியலை நான் முன்னெடுப்பதாக திருமாவளவன் கூறியிருக்கிறாா். நான் திராவிட சித்தாந்தம் என்ற பேராபத்திற்கு எதிரான அரசியலை முன்னெடுத்துள்ளேன் என்றாா்.