திருக்குறளை படித்தால் வாழ்வின் உண்மைப் பொருளைக் கண்டடையலாம்: உச்ச நீதிமன்ற நீதிபதி அரங்க.மகாதேவன்

திருக்குறளைப் படித்தால் வாழ்வின் உண்மைப் பொருளைக் கண்டடையலாம் என்று உச்ச நீதிமன்ற நீதிபதி அரங்க.மகாதேவன் கூறினாா்.

வாணியம்பாடி திருக்கு மன்றத்தின் இரண்டாம் ஆண்டு தொடக்க விழா மற்றும் படித்துறை புத்தக அறக்கட்டளை சாா்பில் விருதுகள் வழங்குதல், நூல்கள் அறிமுக விழா வாணியம்பாடி இசுலாமிய பெண்கள் கல்லூரி அரங்கில் சனிக்கிழமை நடைபெற்றது.

விழாவில், படித்துறை புத்தக அறக்கட்டளை தலைவா் ப.இளம்பரிதி வரவேற்றாா். வாணியம்பாடி திருக்கு மன்றத் தலைவா் சு.சத்தியமூா்த்தி சிறப்பு விருந்தினரை அறிமுகப்படுத்தினாா். விழாவுக்கு, உச்சநீதிமன்ற நீதிபதி அரங்க.மகாதவேன் தலைமை வகித்து, 2023-ஆம் ஆண்டின் படித்துறை இலக்கிய விருதை பாரதி கிருஷ்ணகுமாருக்கு வழங்கினாா். பின்னா் அவா் பேசியது: வாழ்க்கையில் ஒருவன் உண்மையைத் தேடி காடு சென்று, குகை அடைந்து தியானம் செய்து பாா்த்தாலும் உண்மையின் பொருள் கிடைக்காது,

இல்லறம் துறந்து காவி உடையணிந்து வீடு, வீடாகச் சென்று பிச்சை கேட்டு தனது ஆசாபாசங்களை துறந்து துறவி வாழ்வு வாழ்ந்தாலும் உண்மையைக் கண்டு கொள்ள முடியாது, கூடுவிட்டு கூடு பாயும் வித்தை கற்றபோதிலும், காயகல்பம் அருந்தி பல ஆயிரம் ஆண்டுகள் வாழ்ந்து உண்மையின் பொருளை தேடினாலும் கிடைக்காது. மாறாக தெய்வ வாக்கு திருவள்ளுவரின் திருக்குறளைப் படித்தால் போதும், வாழ்வின் உண்மைப் பொருளைக் கண்டடையலாம் என்றாா்.

தொடா்ந்து பாரதிகிருஷ்ணகுமாா் எனும் சொல்லோா் உழவன் எனும் நூலை நீதியரசா் அரங்க.மகாதேவன் வெளியிட முதல் நூலை கவிஞா் ரவிசுப்பிரமணியன் பெற்றுக் கொண்டாா். பரிதி பதிப்பகத்தின் நூல்களான ஓடை (கவிதை தொகுப்பு), மா.அரங்கநாதன் படைப்புகள், முன்றில் (இதழ் தொகுப்பு) மற்றும் கரும்பலகை கதைகள் ஆகிய 4 நூல்களையும் வெளியிட்டாா். நூல்களை காஞ்சிபுரம் மாவட்ட நீதிபதி ப.உ.செம்மல், மருத்துவா் க.மகுடமுடி, மூத்த வழக்குரைஞா் முரளிகுமரன், மாதவபாரதி ஆகியோா் பெற்றுக் கொண்டனா். தொடா்ந்து திருக்கு கட்டுரை, ஒப்பித்தல் போட்டிகளில் வெற்றி பெற்ற மாணவ, மாணவிகளுக்கு சான்றிதழ் மற்றும் பரிசுகள் வழங்கப்பட்டன. பாரதிகிருஷ்ணகுமாா் ஏற்புரையாற்றினாா். நிகழ்ச்சிகளில் பல்வேறு கட்சியின் முக்கிய நிா்வாகிகள், நகர முக்கிய பிரமுகா்கள், பொதுமக்கள், மன்ற நிா்வாகிகள் கலந்து கொண்டனா். நிகழ்ச்சிகளை தூயநெஞ்ச கல்லூரி தமிழ்த் துறைத் தலைவா் கி.பாா்த்திபராஜா தொகுத்து வழங்கினாா். வாணியம்பாடி திருக்கு மன்ற செயலாளா் ஆ.முருகன் நன்றி கூறினாா்.