திருப்பூரில் கஞ்சா விற்பனை செய்த 3 போ் கைது

திருப்பூரில் கஞ்சா விற்பனை செய்த 3 பேரை காவல் துறையினா் வெள்ளிக்கிழமை கைது செய்தனா்.

திருப்பூா் மத்திய பேருந்து நிலையம் பகுதியில் தெற்கு காவல் துறையினா் ரோந்துப் பணியில் ஈடுபட்டிருந்தனா். அப்போது அங்குள்ள பொதுக் கழிப்பிடத்தின் பின்புறம் சந்தேகத்துக்கு இடமாக நின்ற 3 இளைஞா்களைப் பிடித்து விசாரித்தனா். இதில் அவா்களிடம் 1 கிலோ 300 கிராம் கஞ்சா இருந்தது தெரியவந்தது.

கஞ்சாவைப் பறிமுதல் செய்த காவல் துறையினா் நடத்திய விசாரணையில், அவா்கள் ஒடிஸாவைச் சோ்ந்த மனோஜ் (28), ஜிதேந்தா் (28), பிகாரைச் சோ்ந்த தீபக் (31) என்பதும், அவா்கள் திருப்பூரில் பின்னலாடை நிறுவனங்களில் வேலை செய்துவந்ததுடன் கஞ்சா விற்பனையிலும் ஈடுபட்டது தெரியவந்தது. இதையடுத்து 3 பேரையும் காவல் துறையினா் கைது செய்தனா்.