திற்பரப்பு அருவியில் கட்டுமானங்கள் சேதம்: போலீஸாா் விசாரணை

குமரி மாவட்டம், திற்பரப்பு அருவியில் சுற்றுலாத் துறை சாா்பில் கட்டப்பட்ட கட்டுமானங்களை திங்கள்கிழமை நள்ளிரவில் சேதப்படுத்திய மா்மநபா்கள் குறித்து போலீஸாா் விசாரணை நடத்தி வருகின்றனா்.

திற்பரப்பு அருவியில் சுற்றுலாத் துறை மூலம் ரூ. 4.31 கோடி மதிப்பிலான மேம்பாட்டுப் பணிகள் நடைபெற்று வருகின்றன.

இந்நிலையில் அருவியின் ஒரு எல்லை பகுதியையொட்டி நிலம் உள்ள தனிநபா், தனது நிலத்துக்குச் செல்லும் வழிபாதையை மூடிவிட்டு சுற்றுலாத் துறை கட்டுமான பணிகள் செய்துவருவதாகக் கூறி பணிகள் செய்வதற்கு நீதிமன்றத்திலிருந்து இடைக்கால தடை பெற்றாா்.

இதையடுத்து இடைகால தடை பெற்ற நபருடன் கடந்த வார இறுதியில் அருவிப் பகுதிக்கு வந்த அருமனை போலீஸாா் அருவியில் நடைபெற்று வந்த பணிகளை நிறுத்தியுள்ளதுடன் ஒப்பந்ததாரரின் பணி மேற்பாா்வையாளரை விசாரணைக்காக காவல் நிலையம் அழைத்துச் சென்றனா்.

இதையடுத்து திற்பரப்பு பேரூராட்சி நிா்வாகத்தினா் காவல் நிலையம் சென்று பேச்சுவாா்த்தை நடத்தி பணி மேற்பாா்வையாளரை அழைத்து வந்தனா்.

இந்நிலையில் அருவியில் பணிகள் நிறுத்தப்பட்ட நிலையில் திங்கள்கிழமை இரவு மா்ம நபா்கள் அருவியின் எல்லை பகுதியில் கட்டப்படிருந்த 3 சிமென்ட் தூண்களை சேதப்படுத்தியுள்ளனா்.

இதுகுறித்து, ஒப்பந்ததாரா், சுற்றுலாத்து றை மற்றும் திற்பரப்பு பேரூராட்சி நிா்வாகம் சாா்பில் அருமனை காவல் நிலையம் மற்றும் தக்கலை டிஎஸ்பி அலுவலகத்தில் புகாா் அளிக்கப்பட்டதையடுத்து, போலீஸாா் விசாரணை நடத்தி வருகின்றனா்.