தில்லியில் ஆட்சியைக் கைப்பற்ற பாஜக முயற்சி: கேஜரிவால் சாடல்

கடந்த தசாப்தத்தில் ஆம் ஆத்மி அரசு செய்த பணியை தடுக்கும் நோக்கில், அனைத்து வழிகளிலும் தில்லியில் ஆட்சியைக் கைப்பற்ற பாஜக முயற்சிப்பதாக தில்லி முன்னாள் முதல்வா் அரவிந்த் கேஜரிவால் வியாழக்கிழமை குற்றம் சாட்டினாா்.

அடுத்த ஆண்டு பிப்ரவரியில் நடைபெறவுள்ள தில்லி சட்டப் பேரவைத் தோ்தலை முன்னிட்டு தில்லி நகா் முழுவதும்

மேற்கொண்டு வரும் பாதயாத்திரை நிகழ்ச்சியின் ஒரு பகுதியாக, மோதி நகரில் நடைபெற்ற கூட்டத்தில் கேஜரிவால் மேலும் பேசியதாவது:

“கடந்த 10 ஆண்டுகளில் ஆம் ஆத்மி கட்சி செய்த அனைத்து வேலைகளையும் தடுத்து நிறுத்துவதற்கு சாத்தியமான அனைத்து வழிகளிலும் தில்லியில் ஆட்சியைக் கைப்பற்ற பாஜக முயற்சிக்கிறது.

ஆம் ஆத்மி அரசின் இலவச மின்சாரம், குடிநீா், சுகாதாரம், கல்வி ஆகிய திட்டங்களை முடக்க பாஜக விரும்புகிறது.

இந்தத் துறைகளில் ஆம் ஆத்மியின் பணி கடந்த 75 ஆண்டுகளில் இணையற்ாகும்.

தில்லியில் பாஜக ஆட்சிக்கு வந்தால், அண்டை மாநிலங்களான உத்தர பிரதேசம் மற்றும் ஹரியாணாவில் காணப்படுவது போல, தில்லியில் அடிக்கடி மின்வெட்டு நிலைமை திரும்பும்.

நான் சிறையில் இருந்தபோது பொதுமக்களை மிகவும் தொந்தரவு செய்ததாகவும், சாக்கடைகளை சேதப்படுத்தியதாகவும், தண்ணீா் விநியோகத்தை நிறுத்தியதாகவும் கேள்விப்பட்டேன். கவலைப்பட வேண்டாம். இப்போது நான் வந்துவிட்டதால், சாலைகள் சீரமைக்கும் பணி வேகமாக தொடங்கியுள்ளது. சிலருக்கு உயா்த்தப்பட்ட குடிநீா் கட்டண பில்கள் வருகிறது. நீங்கள் கவலைப்பட வேண்டாம்.

எனக்கு வாக்களித்து என்னை முதல்வராக்குங்கள். உங்கள் குடிநீா் கட்டணத்தை தள்ளுபடி செய்கிறேன். விரைவில் ஒவ்வொரு பெண்ணுக்கும் மாதம் 1,000 ரூபாய் வழங்குவதற்கான திட்டத்தை தயாா் செய்துள்ளேன் என்றாா் கேஜரிவால்.

உள்ளூா் ஆம் ஆத்மி எம்எல்ஏ ஷிவ் சரண் கோயலுடன், கேஜரிவால் மோதி நகா் தெருக்களில் நடந்து சென்று மக்களுக்கு கைகுலுக்கி வாழ்த்து தெரிவித்தாா். பலா் அவருக்கு மாலை அணிவித்து சுயபடம் எடுத்துக்கொண்டனா்.

ஆம் ஆத்மி கட்சியின் தலைவரான கேஜரிவாலின் இக்குற்றச்சாட்டுகளுக்கு பாஜகவிடம் இருந்து உடனடி பதில் எதுவும் தெரிவிக்கப்படவில்லை.