அயர்லாந்தில் இந்தியர்கள் மீது தொடரும் இனவெறித் தாக்குதல்கள்!
விழுப்புரம் மாவட்டம், கண்டாச்சிபுரத்தில் அகில இந்திய தொழிற்சங்க மையக் கவுன்சில் (ஏஐசிசிடியு) சாா்பில், சனிக்கிழமை கண்டன ஆா்ப்பாட்டம் நடைபெற்றது.
சென்னையில் கோரிக்கைகளை வலியுறுத்தி போராட்டத்தில் ஈடுபட்ட தூய்மைப் பணியாளா்கள் கைது செய்யப்பட்டதைக் கண்டித்தும், இவா்கள் அனைவரையும் நிபந்தனையின்றி விடுவிக்க வேண்டும்.
தமிழகத்தில் பணிபுரியும் அனைத்து தூய்மைப் பணியாளா்களையும் பணி நிரந்தரம் செய்ய வேண்டும். பணிப் பாதுகாப்பை உறுதிப்படுத்த வேண்டும். தூய்மைப் பணிகளை தனியாருக்கு தாரை வாா்க்கும் திட்டத்தை கைவிட வேண்டும் என்பன உள்ளிட்ட கோரிக்கைகளை வலியுறுத்தியும் ஆா்ப்பாட்டத்தில் முழக்கமிட்டனா்.
ஆா்ப்பாட்டத்துக்கு இந்திய கம்யூனிஸ்ட் (மாா்க்சிஸ்ட் - லெனினிஸ்ட்) கட்சியின் விழுப்புரம் மாவட்டக் குழு உறுப்பினா் ஜெய.சௌந்தா் தலைமை வகித்தாா். நிா்வாகிகள் திவ்ய.பிராங்கிளின், ஜோ.ஜெயசீலன் ஆகியோா் கண்டன உடையாற்றினா்.
தொழிற்சங்க நிா்வாகிகள் ஆரோக்கியதாஸ், அந்தோணி குருஸ், அஜித்குமாா், சின்னத்துரை மற்றும் கட்சியினா், ஏஐசிசிடியு தொழிற்சங்கத்தினா் கலந்துகொண்டனா்.
