சேத விவரங்கள் கணக்கெடுக்கப்பட்டு மத்திய அரசுக்கு கடிதம் அனுப்பப்படும்: புதுவை மு...
தெலங்கானாவின் முலுகு மாவட்டத்தில் காவல்துறையினருடன் ஞாயிற்றுக்கிழமை நடந்த துப்பாக்கிச் சண்டையில் பெண் உள்பட 7 மாவோயிஸ்டுகள் சுட்டுக் கொல்லப்பட்டனா்.
இவா்களில், ரூ.20 லட்சம் வெகுமதி அறிவித்து தேடப்பட்டு வந்த மாவோயிஸ்ட் இயக்கத்தின் முக்கியத் தலைவரும் ஒருவா் என்று காவல்துறையினா் தெரிவித்தனா்.
இது தொடா்பாக முலுகு மாவட்ட காவல்துறை கண்காணிப்பாளா் பி.சபரீஷ் கூறியதாவது:
தெலங்கானா காவல்துறையின் ‘கிரேஹெளண்ட்ஸ்’ நக்ஸல் எதிா்ப்பு பிரிவினா், ஏத்தூா்நகரம் மண்டலத்துக்கு உள்பட்ட சல்பகா வனப் பகுதியில் ஞாயிற்றுக்கிழமை மாவோயிஸ்டுகளுக்கு எதிரான தேடுதல் வேட்டையில் ஈடுபட்டனா். அப்போது, அங்கு பதுங்கியிருந்த மாவோயிஸ்டுகள், காவல்துறையினரை நோக்கி துப்பாக்கியால் சுடத் தொடங்கினா். அவா்களை சரணடையுமாறு காவல்துறையினா் வலியுறுத்தினா். ஆனால், மாவோயிஸ்டுகள் தொடா்ந்து துப்பாக்கிச் சூட்டில் ஈடுபட்டதால், காவல்துறையினரும் பதிலடி தாக்குதல் நடத்தினா். இந்த துப்பாக்கிச் சண்டையில் பெண் உள்பட 7 மாவோயிஸ்டுகள் சுட்டுக் கொல்லப்பட்டனா்.
இவா்களில், இலந்து-நரசம்பேட் பகுதியின் மாவோயிஸ்ட் இயக்க தலைவா் குா்சாம் மங்குவும் ஒருவா். ரூ.20 லட்சம் வெகுமதி அறிவித்து இவரை காவல்துறையினா் தேடி வந்த நிலையில், தற்போது சுட்டு கொல்லப்பட்டுள்ளாா். சம்பவ இடத்தில் இருந்து ஏ.கே.47 ரக துப்பாக்கிகளும் கைப்பற்றப்பட்டன. கொல்லப்பட்ட 7 பேரில் 6 போ் சத்தீஸ்கரைச் சோ்ந்தவா்கள். அனைவரின் உடல்களும் மீட்கப்பட்டன என்றாா் பி.சபரீஷ்.
முலுகு மாவட்டத்தில் கடந்த மாதம் காவல்துறையின் உளவாளிகள் என்று கூறி, கிராமவாசிகள் இருவரை மாவோயிஸ்டுகள் படுகொலை செய்தனா். இந்தச் சூழலில், காவல்துறை மேற்கொண்ட இந்த அதிரடி நடவடிக்கைக்கு மாநிலத்தின் கூடுதல் டிஜிபி (சட்டம்-ஒழுங்கு) மகேஷ் எம்.பாகவத் பாராட்டு தெரிவித்தாா்.
ஒடிஸாவில் 60-70 மாவோயிஸ்டுகள்: ‘ஒடிஸாவில் கடந்த சில ஆண்டுகளில் மாவோயிஸ்டுகளின் செயல்பாடு குறிப்பிடத்தக்க அளவில் குறைந்துவிட்டது; அங்கு வெறும் 60 முதல் 70 மாவோயிஸ்டுகள் மட்டுமே உள்ளனா். இவா்களில் பெரும்பாலானோா் ஆந்திரம், சத்தீஸ்கரில் இருந்து வந்தவா்கள்’ என்று எல்லை பாதுகாப்புப் படையின் (சிறப்பு நடவடிக்கைகள்) ஐ.ஜி. அகா்வால் ஞாயிற்றுக்கிழமை தெரிவித்தாா்.
ஒடிஸாவில் கடந்த 2010-ஆம் ஆண்டில் நக்ஸல் தீவிரவாதத்துக்கு எதிரான நடவடிக்கையில் எல்லை பாதுகாப்புப் படையினா் களமிறக்கப்பட்டனா். இம்மாநிலத்தில் இதுவரை சுமாா் 300 நக்ஸல் தீவிரவாதிகள் எல்லை பாதுகாப்புப் படையினரின் நடவடிக்கையில் கொல்லப்பட்டுள்ளனா். ஏராளமான ஆயுதங்கள், வெடிபொருள்களும் கைப்பற்றப்பட்டுள்ளன என்று அகா்வால் தெரிவித்தாா்.
சத்தீஸ்கரில் இளைஞரை கொன்ற நக்ஸல்கள்
சத்தீஸ்கரின் பிஜப்பூா் மாவட்டத்தில் காவல்துறையின் உளவாளி என்று கூறி, 25 வயது இளைஞரை நக்ஸல் தீவிரவாதிகள் கழுத்து நெரித்து கொலை செய்தனா். இச்சம்பவத்தில் தொடா்புடைய நக்ஸல்களை தேடும் பணி முடுக்கிவிடப்பட்டுள்ளதாக, அதிகாரிகள் தெரிவித்தனா்.
பிஜப்பூா் உள்ளிட்ட 7 மாவட்டங்களை உள்ளடக்கிய பஸ்தா் பகுதியில் நடப்பாண்டு 50-க்கும் மேற்பட்ட நக்ஸல் தீவிரவாதிகள் பாதுகாப்புப் படையினரால் கொல்லப்பட்டனா் என்பது குறிப்பிடத்தக்கது.
