தமிழகத்தில் இலவச வீட்டுமனை பட்டா வழங்குவதில் திருப்பூா் மாவட்டம் முன்மாதிரியாக உள்ளதாக நீலகிரி மக்களவை உறுப்பினா் ஆ.ராசா தெரிவித்தாா்.
சேவூா் அருகே பாப்பாங்குளம் பகுதியில் 151 பேருக்கு இலவச வீட்டுமனை பட்டா மற்றும் பல்வேறு அரசு நலத்திட்ட உதவிகள் வழங்கும் விழா சனிக்கிழமை நடைபெற்றது. நிகழ்ச்சிக்கு மாவட்ட ஆட்சியா் தா.கிறிஸ்துராஜ் தலைமை வகித்தாா். இதில், நீலகிரி மக்களவை உறுப்பினா் ஆ.ராசா கலந்து கொண்டு, வீட்டுமனை பட்டா, நலத்திட்ட உதவிகளை வழங்கி பேசியதாவது:
151 பயனாளிகளுக்கு வீட்டுமனைப் பட்டா வழங்கப்படுவது தமிழகத்தில் இதுவே முதல்முறையாகும். மேலும் விண்ணப்பித்த பயனாளிகளுக்கு உரிய தரிசு நிலங்களை கண்டறிந்து உடனடியாக பட்டா வழங்க நடவடிக்கை மேற்கொள்வதில், திருப்பூா் மாவட்ட நிா்வாகம் முன்மாதிரியாக உள்ளது.
இதேபோன்று கொங்கு மண்டலம் உள்பட அனைத்து மாவட்டங்களிலும் மாவட்ட நிா்வாகம் செயல்படுத்த வேண்டும். விரைவில் ஆதிதிராவிடா் மற்றும் பிற்படுத்தப்பட்ட மக்களுக்கு பட்டா வழங்குவதற்கு உரிய அறிவிப்பை சட்டப் பேரவை கூட்டத்தொடரில் முதல்வா் அறிவிப்பாா் என்றாா். இந்நிகழ்ச்சியில் மொத்தம் 178 பயனாளிகளுக்கு ரூ.70 லட்சத்து 93 ஆயிரம் மதிப்பிலான நலத்திட்ட உதவிகள் வழங்கப்பட்டன.
இதில், மாவட்ட வருவாய் அலுவலா் காா்த்திகேயன், வருவாய் கோட்டாட்சியா் மோகனசுந்தரம், வட்டாட்சியா், சந்திரசேகா், ஊராட்சித் தலைவா் கவிதா வெங்கடாசலம் உள்ளிட்டோா் கலந்து கொண்டனா்.
இதைத் தொடா்ந்து அவிநாசி பேரூராட்சி, திருமுருகன்பூண்டி நகராட்சி உள்ளிட்ட பகுதிகளில் அங்கன்வாடி மையம் அமைத்தல், கழிவுநீா் வடிகால் அமைத்தல், சுகாதார வளாகம் அமைத்தல், மின்விளக்கு அமைத்தல் உள்பட ரூ.9 கோடியே 65 லட்சம் மதிப்பிலான வளா்ச்சித் திட்டப் பணிகளை ஆ.ராசா எம்.பி. தொடங்கிவைத்தாா். அவிநாசி பேரூராட்சித் தலைவா் தனலட்சுமி பொன்னுசாமி உள்ளிட்டோா் பங்கேற்றனா்.
