Rain Alert : இன்று எந்தெந்த மாவட்டங்களில் கனமழை... எங்கெல்லாம் பள்ளி, கல்லூரிகளுக்கு விடுமுறை?!

ஃபெஞ்சல் புயல் கரையைக் கடந்த பிறகும், தமிழ்நாட்டில் மழை இன்னும் விட்டபாடில்லை.

நேற்று வானிலை மையம், சென்னை, திருவள்ளூர், ராணிப்பேட்டை, வேலூர், திருப்பத்தூர், கிருஷ்ணகிர், நீலகிரி, ஈரோடு, நாமக்கல், திருச்சி, தஞ்சாவூர், புதுக்கோட்டை, திருவாரூர், நாகப்பட்டினம், மயிலாடுதுறை, காரைக்கால் ஆகிய பகுதிகளில் கனமழை பெய்யும் என்றும், தர்மபுரி, சேலம், திருவண்ணாமலை, கள்ளக்குறிச்சி, பெரம்பலூர், அரியலூர், கடலூர், புதுச்சேரி, விழுப்புரம், செங்கல்பட்டு, காஞ்சிபுரம் ஆகிய பகுதிகளில் மிக கனமழை பெய்யும் என்றும் அறிவித்தது.

வானிலை மையம் குறிப்பிட்ட பகுதிகளில் நேற்று இரவில் இருந்து மழை பெய்து வருகிறது. இதனால், திருவண்ணாமலை,கடலூர், விழுப்புரம், கள்ளக்குறிச்சி, கிருஷ்ணகிரி, புதுச்சேரி ஆகிய மாவட்டங்களில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

வேலூர், சேலம், திருப்பத்தூர், தருமபுரி, ராணிப்பேட்டை ஆகிய மாவட்டங்களில் பள்ளிகளுக்கு மட்டும் விடுமுறை அறிவிக்கப்பட்டுள்ளது.

நீலகிரியில் ஊட்டி, கூடலூர், கோத்தகிரி பகுதிகளிலும், நாமக்கல்லில் கொல்லிமலையிலும் பள்ளி, கல்லூரிகளுக்கு விடுமுறை அளிக்கப்பட்டுள்ளது.