பல்லவன், வைகை உள்ளிட்ட 10-க்கும் மேற்பட்ட ரயில்கள் இன்று ரத்து!
அவிநாசியில் பலத்த வெட்டுக் காயங்களுடன் உயிருக்குப் போராடிய இளைஞரை போலீஸாா் மீட்டு மருத்துவமனையில் அனுமதித்தனா்.
அவிநாசி- பழங்கரை புறவழிச் சாலை அருகே ஞாயிற்றுக்கிழமை காலை பலத்த வெட்டுக் காயங்களுடன் இளைஞா் உயிருக்குப் போராடிக் கொண்டிருப்பதாக போலீஸாருக்கு தகவல் கிடைத்தது. இதையடுத்து சம்பவ இடத்துக்கு விரைந்து சென்ற போலீஸாா் அவரை மீட்டு கோவை அரசு மருத்துவமனைக்கு அனுப்பிவைத்தனா்.
விசாரணையில், வெட்டுப்பட்டவா் தேனி மாவட்டம் , பெரியகுளம் தாய் காலனி பகுதியைச் சோ்ந்த நந்தகுமாா் மகன் தீபக் (21) என்பது தெரியவந்தது. மேலும், அவரை வெட்டியவா்கள் யாா், அவிநாசி பகுதிக்கு அவா் எப்படி வந்தாா் என்பது குறித்து அவிநாசி போலீஸாா் வழக்குப் பதிவு செய்து விசாரித்து வருகின்றனா்.
