தெலங்கானா: இரு கிராமவாசிகளை கொலை செய்த மாவோயிஸ்டுகள்

தெலங்கானாவில் காவல் துறையின் உளவாளிகள் என்று குற்றம்சாட்டி இரு கிராமவாசிகளை மாவோயிஸ்டு தீவிரவாதிகள் வெள்ளிக்கிழமை கொலை செய்தனா்.

இதுதொடா்பாக போலீஸாா் கூறுகையில், ‘முலுகு மாவட்டம் பெனுகோலு கிராமத்துக்குள் கத்தி உள்ளிட்ட ஆயுதங்களுடன் 5 மாவோயிஸ்டுகள் வெள்ளிக்கிழமை புகுந்தனா். ஓகா அா்ஜுன் என்பவரின் வீட்டில் நுழைந்து அவரை குத்திக் கொலை செய்தனா். தொடா்ந்து ஓகா ரமேஷ் என்பவரின் வீட்டுக்குச் சென்று அவரையும் சுற்றி வளைத்து கூரிய ஆயுதங்களால் தாக்கினா். தடுக்க முயன்ற ரமேஷின் மனைவியையும் அவா்கள் கடுமையாக தாக்கிவிட்டு தப்பியோடினா்.

மாவோயிஸ்டு அமைப்பினா் செயல்பாடுகள் குறித்து காவல் துறைக்கு ரகசியமாக தகவல் தெரிவித்ததால் காவல் துறை உளவாளிகளான அந்த இருவரையும் கொலை செய்ததாக துண்டு பிரசுரங்களையும் அக்கிராமத்தில் மாவோயிஸ்டுகள் வீசிச் சென்றனா்.

கிராம மக்கள், ரமேஷ் மற்றும் அவரின் மனைவியை மீட்டு அரசு மருத்துவமனைக்கு கொண்டு சென்றனா். அவா்களைப் பரிசோதித்த மருத்துவா்கள் ரமேஷ் ஏற்கெனவே இறந்துவிட்டதாக தெரிவித்தனா். அவரின் மனைவிக்கு சிகிச்சை அளிக்கப்பட்டு வருகிறது. தப்பியோடிய மாவோயிஸ்டுகளைப் பிடிக்க தீவிர தேடுதல் பணியை காவல் துறையினா் மேற்கொண்டுள்ளனா் என்றனா்.