வாட்ஸ்ஆப்பில் புதிதாக வலம் வரும் புகைப்பட மோசடி மூலம் வங்கிக் கணக்கிலிருந்து பணம் திருடப்படுவது அதிகரித்துள்ளது. அச்செயலியின் பயனா்கள் கவனத்துடன் இருக்க வேண்டும் என திருநெல்வேலி மாவட்ட காவல் கண்காணிப்பாளா் என்.சிலம்பரசன் எச்சரித்துள்ளாா்.
இதுகுறித்து அவா் வெளியிட்டுள்ள செய்திக்குறிப்பு: மூக வலைதளமான வாட்ஸ்ஆப் செயலி மூலம் புதிதாக புகைப்பட மால்வோ் மோசடி அதிகரித்துள்ளது.
தெரியாத எண்ணிலிருந்து வாட்ஸ்ஆப்புக்கு வரும் புகைப்படத்தை தொடும்போது அந்த புகைப்படத்தில் மறைத்து வைக்கப்பட்டிருக்கும் மால்வோ் பயனரின் கைப்பேசியை ஹேக் செய்ய வாய்ப்புள்ளது.
அதிலுள்ள ‘ஸ்ட்க்னோகிராபி’ எனப்படும் மென்பொருள் பயனாளரின் வங்கி விவரங்கள், கடவுச்சொற்கள் மற்றும் யுபிஐ தகவல்களைத் திருடவும், கைப்பேசியைக் கட்டுப்படுத்தும் வகையிலும் வடிவமைக்கப்பட்டுள்ளது. ஓடிபி எனப்படும் ஒருமுறை கடவுச் சொல் வராமலேயே வங்கிக் கணக்கிலிருந்து சட்ட விரோதமாக பணம் திருடப்பட வாய்ப்புள்ளது. எனவே, தெரியாத எண்ணிலிருந்து வாட்ஸ்ஆப் செயலிக்கு வரும் புகைப்படங்களை தொடுவதை தவிா்க்க வேண்டும். இது போன்ற சைபா் குற்றங்கள் நடைபெற்றால் இணையதளமுகவரி மூலமாகவோ அல்லது 1930 என்ற எண்ணிலோ புகாா் பதிவு செய்ய வேண்டும் எனக் கூறியுள்ளாா்.
_.jpeg)
