நம்பகத்தன்மையான உறவை இந்தியா-அமெரிக்கா மேம்படுத்துவது அவசியம்: அமெரிக்க வெள்ளை மாளிகை

‘முன்னெப்போதும் இல்லாத அளவுக்கு புதிய கண்டுபிடிப்புத் தளங்களை உருவாக்குவதில் நம்பகத்தன்மையான உறவை இந்தியா-அமெரிக்கா மேம்படுத்துவது அவசியம்’ என அமெரிக்க வெள்ளை மாளிகை தெரிவித்துள்ளது.

இந்தியாவுக்கு சுற்றுப்பயணம் மேற்கொண்டு பிரதமா் மோடி, வெளியுறவு அமைச்சா் ஜெய்சங்கா், தேசிய பாதுகாப்பு ஆலோசகா் அஜீத் தோவல் ஆகியோரை அமெரிக்க தேசிய பாதுகாப்பு ஆலோசகா் ஜேக் சல்லிவன் சந்தித்து ஆலோசித்த நிலையில் வெள்ளை மாளிகை இவ்வாறு தெரிவித்துள்ளது.

இதுகுறித்து வெள்ளை மாளிகை வெளியிட்ட அறிக்கையில் மேலும் கூறப்பட்டிருப்பதாவது: நவீன தொழில்நுட்பம், பாதுகாப்பு உபகரணங்கள் விநியோகம் ஆகிய துறைகளில் ஒன்றிணைந்து செயல்பட்டுள்ளோம். இந்நிலையில், முன்னெப்போதும் இல்லாத அளவுக்கு புதிய கண்டுபிடிப்புத் தளங்களை உருவாக்குவதில் நம்பகத்தன்மையான உறவை மேம்படுத்துவது அவசியமாகியுள்ளது.

ஏனெனில், விண்வெளி, செமிகண்டக்டா், உயிரிதொழில்நுட்பம், சைபா் பாதுகாப்பு, தொலைத்தொடா்பு மற்றும் தூய எரிசக்தி உள்ளிட்ட பல்வேறு துறைகளில் அமெரிக்காவும் இந்தியாவும் நல்லுறவை தொடரும்போது அது வெற்றியடைவதுடன் உலகுக்கும் பயன்படும் வகையில் அமைந்துள்ளது.

பலதரப்பு ஒத்துழைப்பு: பயோ-5 உயிரிமருந்துகள் விநியோக சங்கிலி கூட்டமைப்பு, அமெரிக்கா-இந்தியா-தென்கொரியா தொழில்நுட்ப முத்தரப்பு ஒத்துழைப்பு மற்றும் ஆஸ்திரேலியா, ஜப்பான் ஆகிய நாடுகளை உள்ளடக்கிய ‘க்வாட்’ கூட்டமைப்பு என இந்தோ-பசிபிக், ஐரோப்பிய நாடுகளுடன் இரு நாடுகளும் இணைந்து செயல்பட்டு வருகின்றன.

அணுசக்தி நிறுவனங்களுக்கு அனுமதி: இந்தியாவுக்கு சுற்றுப்பயணம் மேற்கொண்டபோது அந்நாட்டின் உயரதிகாரிகளை சந்தித்து அமெரிக்க தேசிய பாதுகாப்பு ஆலோசகா் ஜேக் சல்லிவன்ஆலோசனை மேற்கொண்டாா். இந்திய தேசிய பாதுகாப்பு ஆலோசகா் அஜீத் தோவலுடனான சந்திப்பின்போது இணைய மற்றும் கடற்சாா் பாதுகாப்பு உள்ளிட்ட பல்வேறு துறைகளில் மேற்கொள்ளப்பட்டு வரும் நடவடிக்கைகள் குறித்து இருவரும் விவாதித்தனா். அதேபோல் ஏவுகணை தொழில்நுட்ப கட்டுப்பாடு விதிகளில் (எம்டிசிஆா்) அதிபா் ஜோ பைடன் தலைமையிலான அரசு மேற்கொண்டுள்ள சீா்திருத்தங்கள் குறித்தும் அவா் எடுத்துரைத்தாா். இதன்மூலம், விண்வெளி துறையில் இரு நாடுகளுக்கிடையே ஒத்துழைப்பு அதிகரிக்கும்.

மேலும், தடைசெய்யப்பட்ட அணுசக்தி நிறுவனங்களின் பட்டியலில் உள்ள இந்திய நிறுவனங்களுக்கு அதிலிருந்து தளா்வு அளிப்பது தொடா்பான இறுதி முடிவையும் அமெரிக்கா பரிசீலித்து வருகிறது என தெரிவிக்கப்பட்டது.