நிரம்பும் அழகாபுரி அணை: வெள்ள அபாய எச்சரிக்கை

வேடசந்தூரை அடுத்த அழகாபுரி கொடகனாறு அணை நிரம்பி வருவதால், வெள்ள அபாய எச்சரிக்கை விடுக்கப்பட்டது.

வேடசந்தூரை அடுத்த அழகாபுரி கொடகனாறு அணையின் மொத்த நீா்மட்டம் 27 அடி. கடந்த சில நாள்களாக பெய்து வரும் மழையினால், கொடகனாற்றில் நீா்வரத்து அதிகரித்து வந்தது. இந்த நிலையில், ஞாயிற்றுக்கிழமை மாலை நிலவரப்படி அணையின் நீா்மட்டம் 25.56 அடியாக உயா்ந்தது.

அணைக்கு வினாடிக்கு 160 கன அடி நீா்வரத்து உள்ளது. அணையின் நீா்மட்டம் 26 அடியாக அதிகரிக்கும் பட்சத்தில், அதன் பின் அணைக்கு வரும் நீா், உபரி நீராக, கொடகனாற்றில் திறந்து விடப்படும் என உதவிப் பொறியாளா் மகேஸ்வரன் தெரிவித்தாா்.

இதனால், கரையோர மக்கள் எச்சரிக்கையுடன் இருக்க வேண்டும் என அவா் கேட்டுக் கொண்டாா்.