செங்குன்றம் அருகே இருசக்கர வாகனத்தில் சென்றபோது தவறி விழுந்த ஊராட்சி செயலா் உயிரிழந்தாா்.
செங்குன்றத்தை அடுத்த சோத்துபெரும்பேடு திருவள்ளுவா் தெருவைச் சோ்ந்த சதீஷ் (38). சோழவரம் ஒன்றியம், அலமாதி ஊராட்சியின் செயலராகப் பணியாற்றி வந்தாா். வெள்ளிக்கிழமை பணி முடித்துவிட்டு, திருவள்ளூா் நெடுஞ்சாலை - அலமாதி தோட்டம் அருகே இருசக்கர வாகனத்தில் சென்றபோது நிலைதடுமாறி அவா் கீழே விழுந்து படுகாயமடைந்தாா்.
இதையடுத்து அங்கிருந்தவா்கள் சதீஷை மீட்டு சென்னை ராஜீவ் காந்தி அரசு மருத்துவமனையில் சோ்த்தனா். அங்கு அவா் தீவிர சிகிச்சை பெற்றுவந்த நிலையில், சனிக்கிழமை உயிரிழந்தாா்.
இது குறித்து செங்குன்றம் போக்குவரத்து புலனாய்வுப் பிரிவு போலீஸாா் வழக்கு பதிந்து, விசாரணை நடத்தி வருகின்றனா்.
