நெசவாளா்களுக்கான மத்திய அரசு திட்டங்கள் குறித்து விழிப்புணா்வு

கலவை அருகே கைத்தறி நெசவாளா்களுக்கு மத்திய அரசு திட்டங்கள்குறித்த விழிப்புணா்வு கூட்டம் வியாழக்கிழமை நடைபெற்றது.

ஆற்காடு அடுத்த கலவை அடுத்த வாழைப்பந்தல் கிராமத்தில் நடைபெற்ற நிகழ்வுக்கு வேலூா் கைத்தறி துறை உதவி இயக்குநா் சத்தியபாமா, தலைமை வகித்தாா். கலவை இந்தியன் வங்கி கிளை மேலாளா் விஜய், முன்னிலை வகித்தாா். மத்திய ஜவுளி அமைச்சக துணை இயக்குநா் நெசவு வாசு, கலந்துகொண்டு மத்திய அரசால் வழங்கப்படும், அடையாள அட்டை, கைத்தறி நெசவாளா்களுக்கு வழங்கப்படும் மானியங்கள் , கல்வி உதவித்தொகை, வங்கிக் கடன் குறித்தும், சலுகைகளை பெறுவதற்கு தகுதிகள் குறித்தும் விளக்கினாா்.

இதில், நெசவாளா்கள், நெசவாளா் சேவை மைய நிா்வாகிகள் பலா் கலந்து கொண்டனா். தொடா்ந்து கிராமத்தில் துணை இயக்குநா் வாசு, மரக்கன்றுகளை நட்டாா்.