அரக்கோணம் நகராட்சி அறிவுசாா் மையத்துக்கு நூல்கள்: எம்எல்ஏ வழங்கினாா்

அரக்கோணம் நகராட்சி அறிவு சாா் மைய நூலகத்தில் போட்டித் தோ்வுகள் எழுதும் பயனாளா்களுக்காக வரலாற்று நூல்களை எம்எல்ஏ சு.ரவி செவ்வாய்க்கிழமை வழங்கினாா்.

அரக்கோணம் வீட்டுவசதி வாரிய குடியிருப்புப் பகுதியில் நகராட்சியின் அறிவு சாா் மையம் செயல்பட்டு வருகிறது. போட்டி தோ்வு எழுதும் இளைஞா்கள், பெண்கள் என பலா் இங்குள்ள நூலகத்தில் புத்தகங்களை படித்து பயன்பெற்று வருகின்றனா். இந்த மையத்திற்கு அண்மையில் ஆய்வு செய்ய வந்திருந்த எம்எல்ஏ சு.ரவியிடம் வரலாற்று நூல்களும் 1 முதல் 12ஆவது வகுப்பு வரையிலான பாடபுத்தகங்களும் இல்லையெனவும் இவை இருந்தால் தான் போட்டித்தோ்வுகளில் சிறப்பாக பங்கேற்க இயலும் எனவும் முறையிட்டனா்.

இதையடுத்து செவ்வாய்க்கிழமை அறிவுசாா் மையத்துக்கு வந்த எம்எல்ஏ சு.ரவி ரூ.15,000 மதிப்புள்ள வரலாற்று நூல்கள் மற்றும் 1 முதல் 12 வகுப்பு வரையிலான பாடபுத்தகங்களை நூலகத்துக்கு வழங்கினாா். தொடா்ந்து அங்கிருந்த மாணவா்கள், மாணவிகள், இளைஞா்கள், பெண்கள் ஆகியோரிடம் நூலக செயல்பாடுகள் குறித்து கேட்டறிந்தாா். பணிபுரியும் அலுவலா்களுக்கு ஆலோசனைகளையும் வழங்கினாா்.

இந்நிகழ்வில் நகர அதிமுக செயலாளா் கே.பா.பாண்டுரங்கன், நெமிலி கிழக்கு ஒன்றிய செயலாளா் ஏ.ஜி.விஜயன், நகா்மன்ற உறுப்பினா் சரவணன், மகளிா் அணி நகர செயலாளா் சுகந்தி விநோதினி உள்ளிடட பலா் பங்கேற்றனா்.